“ANG dapat mong gawin diyan, kumbinsihin mo si Angenica na makipagbalikan kay Rain, doon matatapos ang problema, eh.” napatango si Claire sa sinabi ni Lara.
“Ang daling sabihin pero ang hirap gawin, hindi nga natin alam kung may balak pa siyang makipagbalikan kay Rain.”
“May isa pa namang option, eh.” agad napatingin si Claire kay Lara.
“Talaga? Ano yon?! Kahit ano pa yan papatusin ko.” desperada na talaga siyang makawala kay Rain.
“Akitin mo na lang si Rain, siguraduhin mong mai-inlove siya sayo ganon. Tapos na nga ang problema mo, may love life ka pa! Oh, diba!”
Kinuha ni Claire ang notebook at hinampas kay Lara. Akala pa naman niya matinong suggestion.
“Baliw ka talaga!”
“Engot ka, yon na ang the best na solusyon sa lahat.”
“Kahit sa bangungot hindi mangyayari yan. Ikaw na nga ang nagsabi na mala-diyosa ang ganda ni Angenica. Walang wala ako na di hamak maganda lang.” napapailing na sabi ni Claire.
“Tapos parang kahapon lang galit na galit ka kay Rain ah, bakit ngayon boto ka na ulit sakanya?” nakataas na kilay pa niyang sabi.
“Galit pa rin ako sakanya dahil sa ginawa niya saiyo. Pero malakas kasi ang feeling ko na magkakatuluyan kayo balang araw. Ganyan yung nangyayari sa mga pocketbooks, eh.” sabi ni Lara na nakahawak pa sa baba.
Natigilan si Claire nang tumunog ang kanyang cellphone. Tumatawag pala si Mark, agad naman niyang sinagot.
π€³ Hello, Mark?
Napatingin siya kay Lara, binigyan siya ng makahulugang tingin na tila nang-aasar. Napailing nalang si Claire.
π€³ Halika dito sa may flagpole, Cutie girl.
Tumingin siya may flagpole, nandoon nga siya. Kumaway sakanya si Mark.
π€³ Bakit? Anong meron?
π€³ Wala! Magkwe-kwentuhan lang tayo. Naboboring ako, eh.
Napairap siya sa sinabi ni Mark.
π€³ Ayos ka rin ha! Ako ang takbuhan mo pagnabobore ka! Sapakin kita diyan eh.
Natawa lang sa kabilang linya si Mark.
π€³ Halika na dito, ang dami mo pang satsat, cutie girl.
π€³ Oo na, papunta na diyan.
at saka binaba ang tawag.
Naningkit ang mga mata niya kay Lara, nang-aasar pa rin ang mga tingin nito sakanya.
“Grabe talaga! Ang haba ng hair mo, dalawang prince charming.” panunukso pa nito.
“Kung isa si Rain sa dalawang prince charming na tinutukoy mo, nagkakamali ka don. Isa siyang evil villain, hindi prince charming.”
“Ano ka ba? Hindi natin masasabi.”
Napailing nalang si Claire at nagpaalam.
“Cute girl!” agad na lumapit sa kanya si Mark at inakbayan.
“cute girl ka ng cutie girl, sasapakin na kita eh!” natawa lang si Mark.
Umupo sila sa bench at inabot sakanya ang binili nitong juice.
“May sinat ka pa, ah. Kaya mo pa ba yung pagpapahirap sayo ni Fuenteblanca?”
“Kaya pa naman.” pabuntong-hiningang sabi niya.
Natigilan siya nang may maalala.
“Mark, may itatanong nga pala ako sayo.”
“Ano yon?”
“Si Angenica, mabait ba siya?”
“Bakit mo naitanong?”
“Wala curious lang ako.”
“Mabait si Angenica….. pero masama magalit.”
“Panong masamang magalit?” kinabahang tanong niya.
“Mabait siya sayo as long as wala kang atraso sa...