ANNIVERSARY GIFT
“Aalis ka na naman?” tanong ng nobya ko sa mahinang tono sapat lang upang marinig ko.
Kinuha ko ang susi ng kotse na nakapatong sa side table niya bago ito lingonin, “May lakad lang kasama si Greg.”
Tumango lamang ito matapos dampian ko ng halik ang kaniyang noo.
I’m tired lying and pretending that I love her, but it’s the only way to make her feel loved.
Araw-araw na gano’ng scenario ang nangyayari. Paulit-ulit lang magmula sa paggising hanggang sa pagtulog. The relationship I have with her is so damn boring.
“Two years.”
Nabasag ang katahimikan ng magsalita si Kale. Tumingala ito sa kalangitan matapos magtama ang aming paningin. She loves star gazing, madalas siyang magtigil dito sa rooftop para lang panoorin ang mga bituin kahit buong magdamag.
“Two years?” nagtatakang tanong ko ng maalala ang sinabi niya kanina.
Sumilay ang ngiti nito habang nakatingala pa rin sa mga tala, “It’s our second anniversary tonight Rafael.”
Saglit akong natigilan pero kalauna’y napatango-tango. Nakalimutan ko na naman ang anniversary namin, for the second time nawala na naman sa isip ko. ‘Yon na rin siguro ang dahilan kung bakit niyaya niya akong samahan siyang magstar gazing ngayong gabi.
Umusod ito palapit sa akin at marahang sumandal sa aking balikat, “Ayos lang kahit hindi mo naalala, “pinagsiklop niya ang aming mga palad, “I love you, Rafael.”
Hindi ako nakasagot at sa halip ay walang emosyong nakatitig sa aming mga palad. I can’t feel anything right now, gusto kong suklian ang pagmamahal niya pero hindi ko kaya, hindi ko magawa.
“I l-love you too.” Napipilitang tugon ko.
Tumayo ito dahilan upang mapatingala ako sa kaniya. Hinihila niya rin ako patayo kaya’t wala na akong nagawa kun’di sundin ang gusto niya.
“Maglaro tayo,”masayang wika nito.
“Kale, hindi na tayo bata para sa ganiyang mga bagay.”
Napabuntong hininga ito, “Minsan lang ako mag-aya tinatanggihan mo pa.”
“Fine, ano bang lalaruin natin?”
Kaagad itong napangiti ng dahil sa kaniyang narinig, “Madali lang naman ‘to,” muli nitong hinawakan ang kamay ko, “May anim akong tanong para sa’yo pero sa tuwing mali ang sagot mo hahakbang ka ng isang beses paatras.”
May binigay itong puting sobre sa akin ngunit ng akmang bubuksan ko na ito ay kaagad niya akong pinigilan, “Nasa loob niyan ang gift ko...