BESTFRIEND BECOME BOYFRIEND [PART I]
—trishieeees
dedicated to: ዕዐክ ልነዘፕዐክ ጌቿል, Diane
__________________________________________________
“Aray!!! Inaano ka ba!!???”
Napasigaw ako sa inis ng kamrutin ako ng pusa ni Ashton.
“Ay sorry.” Sabi ni Ashton na agad nilayo ang pusa sa’kin, napasinghal naman ako.
“Sinabi ko ng ayaw ko sa pusa e!” Maktol ko.
“Alam mong gusto ko ng pusa e.” Inirapan niya naman ako na para bang siya ang babae.
Nakakainis. Simula bata kasi ay kasama ko na siya at alam niyang ayaw ko ng pusa pero talagang gusto niya. Naiirita ako dahil sa tuwing magkasama kami ay kasama niya din ang pusa niya. Kunti na nga lang ay pwede niya na rin dalhin ang pusa sa school.
“Bakit ba hindi kayo magkasundong dalawa pagdating sa pusa?” Natatawang tanong tita Flora, Mama ni Ashton.
“Ito kasing si Ashie ayaw e.” Sumbong naman ni Ashton, napairap ako.
“Paanong hindi ko magustuhan ang pusa mo e sa tuwing magkasama tayo e nangangamrot.” Nakangusong sabi ko habang hinihilot ang brasong nakamrot ng pusa.
“Kasi ayaw...

mo daw sa kaniya.” Natatawang sabi ni Ashton.
“Sino bang kaibigan mo dito? Ako o ‘yung pusa mo?”
Napatitig naman siya sa akin habang nakangiti. Napatango tango pa siya na para bang may iniimagine pa, kadiri ‘to.
“Nagseselos ka ba sa pusa?” Natatawang tanong niya.
Napairap ako lalo. “Naiirita ako, hindi nagseselos.”
“We???” Nang aasar ang tono niya na tinutulak tulak pa ‘ko.
Napangiwi na lang ako. Ano bang trip nito? Mukha ba ‘kong nakikipagbiruan?
“Crush mo ‘ko?” Tanong niya, nang aasar.
“Kadiri mo, kaibigan lang naman kita.”
Napaawang ang labi niya tsaka madramang humawak sa dibdib niya, umaaktong nasasaktan.
“Ouch? Friend lang???” Tanong niya na lalong lumapit sa akin. “Friend?” Bulong niya na tumingin pa sa malayo. “Hindi tanggap ng buong pagkatao ko.”
Napairap ako. Minsan ay hindi ko makuha ang trip niya.
“Ano bang gusto mo?” Pagtataray ko.
“Gusto ko?” Nakataas ang kilay na tanong niya, tumango naman ako. “Ewan. Basta ayaw kong friend lang. Tagal nating magkasama tapos friend lang? Parang nagsayang lang ako ng taon ‘nun.”