Author: Ren Salazar
Umagang umaga ay kaharap ni Schiyev ang kanyang mga notes at librong nagsilbing references niya para sa exam bukas. Nagtimpla lang ng gatas para kahit papano may laman ang kanyang tiyan. Kailangan niyang mag aral ng masinsinan ngayong araw.
Ilang minuto lang din ay nagising si Bekket. Sinilip sa kanyang tabi si Schiyev pero wala ito. Nang marinig na may kung sinong bumubulong malapit sa mesa,tiningnan niya ito at nalamang si Schiyev lang pala.
” Kanina ka pa gising?” Tanong niya rito habang kinukusot bahagya ang mga mata.
” Oo. ” Tugon nito pero ni hindi man lang siya binalingan ng asawa. ” Pasensya ka na ha. Kailangan kong mag aral. Mamaya kasi pupunta ako ng school. Mag reresearch ako para sa thesis na gagawin ko.”
” Naalala ko nga pala. Malapit na graduation mo.”
” Mm. Kaya kailangan kong humabol. Salamat sayo dahil pinagbigyan ako ng mga prof ko para makahabol sa lessons at exam.”
” Sige. Maghahanda na rin ako. Tulad mo,kailangan ko ring habulin ang mga transaksyon ko sa opisina.”
“Sige. ” At tinanguan niya si Bekket.
Matapos makapaghanda para sa trabaho,sinilip niya saglit si Schiyev. Abalang abala pa ito. Ayaw na niyang istorbohin kaya umalis na lamang nang hindi nagpapaalam. Binilinan na lang ang isa sa mga kasambahay na hatiran ng pagkain si Schiyev.
Masyado naging busy ang araw ng bagong mag asawa. Hindi na nagkakausap kahit sa telepono para magawa nila ang dapat nilang gawin at tapusin.
Ngunit ganoon pa man, hindi pa rin naalis sa isipan ni Bekket si Schiyev. Tumawag siya sa bahay para kamustahin ito.
” Mr. Choi,kararating niya lang po galing sa school. ” Sabi ng isang kasambahay nila na syang nakasagot sa telepono.
” Ah..kumain ba? ”
” Konti lang po kinain. Pero iniwanan ko po ng prutas doon sa kwarto para kung sakaling magutom,pwede niyang kainin yon.”
” Sige. Salamat.”
Yun lang at ibinababa na niya ang telepono. Napabuntong hininga pa siya sa sobrang pag aalala kay Schiyev.
” Zu.. ” tawag sa kanya ni Dome.
” O! ” Tipid niyang tugon.
” May napapansin lang ako sayo mula pa kanina hanggang ngayon.”
” Ano naman yon?”
” Yan! Yang pananalita mo. Ano bang pinakain sayo ni Schiyev sa gitna ng honeymoon nyo at naging direkta yata yang pagsasalita mo?”
” Ano bang ibig mong sabihin?” Nagtataka siya sa mga sinasabi ni Secretary Dome.
” Baka naman may nangyari na sa inyo don sa Italy? Alam mo na…”
” Wala! Walang nangyari samin.”
” wala na kasing ” anwo? Sinwo? ” At iba pa. Uy! Zu…dalawa lang tayo na magkasama buhat pa kanina pero tila tumuwid yata pananalita mo ngayon.”
” Ah!” Tinalikuran niya si Dome at nagpuntang sariling banyo. At doon,naghilamos.
Tiningnan ang sarili sa salamin.
” Hindi pwede to. Mali to. Hindi kami talo kaya bakit ko hahayaang mahulog ang sarili ko sa kanya.” Sambit niya habang nakaharap sa salamin. “Iiisshhh…Zuriel. bakla ka. Noon pa. Kaya imposibleng magbago ka dahil sa isang babae. Isang babae na iiwan ka rin pagkatapos ng dalawang buwan. At alam mo yon.” Tila pinagsasabihan niya ang kanyang sarili.
” Zu…..”
Nagulat siya nang marinig si Dome na nasa pintuan lang ng banyo.
” Baka nga dahil sa asawa mo…magiging totoong lalaki ka na.” Sabi niya.
” Huh! Akwo? No way. I love myself.I love who really i am. So why will i change for her?” Deny niya. Pilit na isinasawalang bahala ang nalilito nyang nadarama.
” Well,bahala ka.” Saad ni Dome saka tinalikuran na siya.
Hanggang sa byaheng pauwi ng bahay ay sumasagi pa rin sa kanyang isipan ang tungkol sa puso niyang tila nalilito na. Hindj siya sigurado kung ano ba talaga ang kanyang nararamdaman ngayon.
At nang kanyang maisip ang kagabi. Ang kagabi na kinitlan na naman niya ng halik si Schiyev habang natutulog. Pakiramdam niya kasi ang sarap nitong halikan lagi. Tila nagbibigay sa kanya ng kakaibang ligaya sa tuwing dumadampi ang labi niya sa labi ni Schiyev.
” Shakkks!! ” Sigaw niya sabay napahampas sa manibela. ” Ano bang ginagawa mo,Zuriel? ” Galit niyang tanong sa kanyang sarili.
Bago pa man siya nakatapak sa pintuan ng mansyon,ipinangako niya sa kanyang sarili na hindi na hahayaang magkadikit sila ni Schiyev. Iiwasan niya hanggat maari ang pakikipag kulitan rito. Baka sa paraang iyon, hindi...

na malilito ang puso niyang hindi nagpapatalo at pilit na nililinlang ang kanyang isipan.
” Ate….” Tawag nya sa isa nilang kasambahay. ” Si Schiyev po?” Hindi rin niya naiwasang itanong ito.
” nasa itaas po. Hindi po bumababa simula nang dumating siya galing school.”
Tumingala siya sa itaas.
” Ganoon po ba? Sige ho. Aakyat na po ako.”
” Hindi ka ba kakain ,Mr. Choi?”
” Bababa po ako maya maya .”
” O,sige.”
Umakyat siya ng hagdan at patungong kwarto. Sinadya niyang hindi puntahan muna si Schiyev sa kabila. Naglinis muna ng sarili at nagbihis ng pantulog. Syempre, yung sando na puti at pajama ang sinuot niya. Baka kasi biglang lumabas ang kanyang lolo.
Lumapit siya sa kwartong kinaroroonan ni Schiyev. Sumilip muna bago kumatok. Nag alala siya nang makitang nakatulog na ito sa mesa. Napapaligiran ng mga libro at kuwaderno. Nasa kamay pa nito ang lapis na pansulat.
Dahan dahang pumasok si Bekket. Lumapit sa asawa at tinitigang mabuti.
” Pasaway na’ to. Kinalimutan na ang kumain para lang sa exam bukas. Pwede naman siyang huwag ng mag aral dahil ako na ang bahala sa kinabukasan niya.” Sabi niya. ” Sabagay,aalis ka rin naman sa poder ko kaya ginagawa mo to.”
Maya maya ay natigilan siya. Minamasdan na naman ang mukha ng isa.
” Shaakkss….heto na naman ako. Natutukso na naman sa labi mo.” Tumalikod siya kay Schiyev. Bumuntong hininga. Pilit na kinakalaban ang sarili. Saka humarap uli.
Naisip niyang babaliin niya muna ang pangako niyang hindi na didikit kay Schiyev. Nakikita niya kasing hindi komportable si Schiyev sa ayos ng pagtulog nito.
Marahan niyang binuhat ang babae patungong kwarto niya. Sa mismong kwarto niya. Para hindi ito makarinig ng kahit anumang ingay mula sa labas. Maingat niya itong inihiga sa kama ngunit…
” Mm…” Daing ni Schiyev sabay mulat ng mga mata. ” Bekki….”
” Na..gising ba kita?”
” Ha?ah..pasensya na. Nakatulog ako. Kumain ka na ba?”
” Ikaw,kumain ka na ba?” Balik tanong niya kay Schiyev.
” Hmm. Hindi pa. Antok na antok kasi ako kanina. Tara,sabay na tayong kumain.” Yaya ni Schiyev sa kanya.
” Mm.” Pagsang ayon ni Bekket sa kanya.
Tumayo si Bekket habang si Schiyev naman ay bumangon.
” Bekki…” Malambing na tawag ni Schiyev.” Pwede bang pasanin mo ko?”
Nilingon siya ni Bekket. ” Ha?”
” Sige na please…”
” Uy,girl. Pagod ako galing office kaya umayos ka.”
” Ok. ” Sabi niya pero nang tumalikod si Bekket ,agad na sumampa ito sa likod niya.
” Ugh..bumaba ka nga. Ang bigat mo nwo.”
” Ayoko nga. ” Pagmamatigas ni Schiyev. Ang totoo kasi niyan,na miss niya ang bakla. Hindi kasi ito tumawag sa kanya buong araw.
” Sche! Anwo bwa… Alis..”
Pero mas lalo pang hinigpitan ni Schiyev ang pagkakayakap sa kanyang leeg.
Wala siyang pagpipilian kundi ang pasanin ito hanggang kusina. Pagdating don,hindi pa nakuntento ang babae,nagpasubo pa ito kay Bekket.
” Eh,paano ako kakain kung susubuan pa kita?”
” Sige na. Sumakit kasi ang kamay ko sa kakasulat.” Pagpupumilit nito sa kanya.
(” Diyos ko! Paano ko itutuloy ang pangako kong huwag nang dumikit sa kanya ,eh siya tong lapit ng lapit sakin.” )
” Ok,sige. Mapilit ka. ”
Sinimulan na niya ang pagsubo rito. Tuwang tuwa ito habang minamasdan si Bekket.
” Na miss kita.” Biglang sabi ni Schiyev. Tuwiran niyang tiningnan si Bekket. ” Ikaw hindi mo ba ako na miss?”
Natahimik si Bekket.
(” Ano ba tong ginagawa niya ngayon?” )
” Uy!”kinakalabit pa ni Schiyev si Bekket.
” Eherm. ” Lumapit si Bekket sa kanya. Tinitigan siya ng mabuti. ” Uy,girl. Inlab ka na ba sakin? Bakit panay pa cute mo sakin ngayon? May pa miss miss ka pang nalalaman.” Bulong niya sa babae.
” Eh,kung sabihin ko sayong….” Sinadya niyang bitinin saglit ang sasabihin. Inilapit rin niya ang kanyang mukha kay Bekket. Nakipagsabayan sa pagtitig sa huli. ” Gusto na kita kahit bakla ka.”
” Uhu! Uhu! ” Biglang umubo si Bekket. Dumistansya ng konti kay Schiyev. ” Kumain ka na nga lang…” Pag iiba niya.
Hinayaan na niyang kumain si Schiyev. Hindi na niya ipinagpatuloy ang pagsubo rito. At siya naman ay kumain na rin. Si Schiyev naman ay tawang tawa sa naging reaksyon ni Bekket. Magtatagumpay kaya siya sa kanyang ginagawa? Ang gawing tunay na lalaki si Bekket?