“Bakit?”asik ng bestfriend ko sa kabilang linya.
“Sis, nakita ko nanaman ang boyfriend mo na may kasamang babae,” hindi mapakali kong tugon.
Pang-ilang beses ko na siyang sinabihan tungkol dito ngunit ayaw niya parin akong pakinggan.
“Nanaman?! Pwede bang tama na?! Yash, alam kong may gusto ka sa boyfriend ko. Pero pwede bang huwag mo kaming sirain at paghiwalayin?” bulyaw niya.
Yan ka na naman. Bakit ba ayaw mong makinig? Ginawa ko ‘to para sayo, para sa kapakanan mo. Ngunit bakit ayaw mo akong pakinggan?
Oo, may gusto ako sa boyfriend mo pero matagal ng naglaho ang nararamdaman ko sa kaniya. Kasi…kasi mas pinili ko ang pagkakaibigan natin.
Napalunok ako dahil pakiramdam ko may bumara sa lalamunan ko.“Siya nalang ba lagi, paano naman ako? Ako ang nauna mong nakilala at nakasama haha,” pagak akong tumawa.
“Tss. Ang drama mo. Hindi porket ikaw ang nauna, ikaw nalang palagi ang iintidihin ko. Hindi ba...

pwedeng iba naman? Ang boyfriend ko naman?” sagot niya na para bang wala kaming pinagsamahan bilang magkakaibigan.
Nanginit ang sulok ng aking mata, pumikit ako para pigilan ang pagbagsak ng mga luha ko. “Pwedeng favor? Kahit ngayon lang, I promise hindi na kita kukulitin tungkol dito.”
“Ano?”
“ Na..na kahit ngayon lang paniwalaan mo ako.”
Natahimik sa kabilang linya. Akala ko pinatay na niya ang tawag.
“I’m sorry Yash, gusto kitang paniwalaan but…natatakot akong baka iwan niya ako. Siya nalang ang nagmamahal sa’kin.”
Ako ba hindi kita mahal? mahal kita hindi lang bilang kaibigan kundi kapatid.
“I’m sorry. Kaibigan lang kita, boyfriend ko siya. Mas matimbang ang pagmamahal ko sakanya.” tugon niya at mabilis na pinatay ang tawag.
Rumagasa bigla ang mga luha na kanina ko pa pinipigilan.
“Oo nga naman, kaibigan mo lang ako.”
____
Words by; Sirene Sirene
Visit my timeline for more storiees.
Photo not mine, cttro.