DELLA SELLA: UNWANTED LOVE (Series One)
AUTHOR REYN
CHAPTER FOUR
Kumatok si Trisha sa bahay nila mommy niya, pinagbuksan siya ni Manang Saleng at pinapasok.
“Manang si mommy?”, ang naiiyak na tanong ni Trisha.
“Nasa likod iha nagpapahangin”, ang sagot ni Manang Saleng.
Agad na pumunta si Trisha sa likod at nadatnan niya ang kanyang ina na nagbabasa ng magazine.
“M-mom”, ang sambit ni Trisha.
“Oh anak nakauwi ka? Kumusta kana? Bakit ganyan ang itsura mo?”, ang sunod-sunod na tanong ni Mrs. Caridad, ang kanyang ina.
“Sino ang mga Dela Peña mommy?”, ang agad na tanong ni Trisha, hindi na niya pinansin ang mga tanong ng kanyang ina.
“A-anong ibig mong sabihin? Nakilala mo ang mga Dela Peña?”, ang garalgal na boses Mrs Caridad.
“Mommy sino ba ang tunay kong ama, sabi mo sakin patay na siya bakit ganito ang nangyayari sakin”, ang umiiyak ng sabi ni Trisha.
“Sinaktan ka ba nila ha?”
“Mommy!”
Natigilan si Mrs Caridad dahil hindi na maayos ang anak, yinakap niya ito at saka hinaplos ang likod nito. Patuloy parin sa pagiyak si Trisha, at ilang sandali ay huminto na ito at saka umupo. Inumpisahan na ng kanyang ina ang pagkwento tungkol sa ama niya.
Magkaibigan noon sila Caridad at Enricho, hanggang sa nahulog ang loob nila sa isat’t-isa at nagmahalan. Pero itinago nila iyon sa pamilya ni Enricho dahil may babae silang inirereto sakanya, si Mildred. Ngunit ayaw ni Enricho kay Mildred dahil mas mahal niya si Caridad.
Ng malaman ng mga magulang ni Enricho ang kanilang relasyon ay pinigilan nila ito, hindi daw nila kapantay si Caridad dahil anak siya ng isang mangingisda. Samantalang si Mildred ay anak siya ng negosyante kagaya nila. Pinaglaban ni Enricho si Caridad at sila ay nagtanan.
Ng natunton ng mga magulang ni Enricho at ni Mildred ang kinaroroonan nila ay sumugod si Mildred at sinabing buntis siya. Dinala niya ang isang CD na naglalaman ng video ng pagniniig nilang dalawa ni Enricho.
Sobrang nasaktan si Caridad, at kahit anong paliwanag ni Enricho ay hindi na niya pinakinggan. Lumayas si Caridad ngunit nahanap siya ni Enricho. At bago pa ikasal ang binata kay Mildred, ay nagsama sila at may nangyari.
Nalaman iyon ng mga magulang ni Enricho, pinagbantaan nila si Caridad na kung hindi siya lalayo ay ipapapatay nila ang pamilya niya. Dahil sa takot ay umuwi siya sa kanila, ngunit galit na galit sakanya ang mga magulang niya kaya napilitan siyang makipagsapalaran sa Manila.
Doon na rin niya pinanganak si Trisha, at sinabi nalang niya na patay na ang ama nito dahil ayaw na ni Caridad ng gulo. At lalong lalo na na ayaw niyang saktan nila ang anak niya kapag nalaman ng mga Dela Peña na nagbunga ang pagmamahalan nila ni Enricho.
Tahimik lamang na nakikinig si Trisha sa kwento ng kanyang ina. Ramdam niya ang sakit at hirap bg dinanas ng kanyang ina, at kung hindi sana pinigilan ang pagmamahalan nila ng kaniyang ama ay hindi na niya nararanasan ang pinagdadaanan niya ngayon.
“Ngayon anak sabihin mo ang ginawa nila sayo”, ang nagngingitngit ng sabi ni Mrs Caridad.
Sinalaysay lahat ni Trisha...