Ang Boyfriend kong Gwapo
Chapter 1
Angela POV
🎵Hindi ako isang laruan na
kung ayaw mo na ay papalitan🎶
Matapo angkinin at pasawaan🎵
Akoy may 🎶damdamin marunong masaktan
Tulad mo rin akong pusoy nasusugatan🎵
Pinapatugtog na naman ni Nanay yung paborito niyang kanta ni Miss Imelda Papin. Nalulungkot na naman si Nanay kapag gusto niyang maglasing, tapos kakanta mag isa. Naalala niya ang Tatay ko na umiwan sa amin nina Nanay. Maganda sana ang buhay namin kung hindi kami iniwan ni Tatay. At hindi na nagkakandakuba sa pagtatrabaho si Nanay para sa aming tatlo.
“Angela! Bilhan mo nga ako ng yelo sa tindahan!” utos na sigaw ni Nanay sa akin.
“Opo, Nay” sinunod ko naman ang utos ni Nanay sa akin.
“Bilisan mo ha” malambing pa na sabi ni Nanay sa akin at ngumiti lang ako kay Nanay.
Pinagbibigyan ko si Nanay kapag ganito na may lungkot siyang nararamdaman. Gusto ko sana na ako na lang ang aako ng lahat ng sakit na nararamdaman ni Nanay. Mahal na mahal ko si Nanay kahit na may pagkalasengga siya. Hindi naman siya pabayang ina sa amin ni Kuya. Ang katunayan nga nag aaral ako sa isang University. First year college sa Rizal State University dito sa Cardona, maliit na bayan kung saan ako lumaki.
“Nay eto na po ang yelo niyo” sabi ko kay Nanay sabay abot ng yelo sa kanya.
“Salamat, Anak” sagot ni Nanay. Namumungay na ang mata sa niya sa kalasingan.
“Nay, tama na po iyan” sabi ko kay Nanay at lumapit pa ako sa kanya.
“Mauubos na ito, Anak” sagot ni Nanay sa akin.
“Bukas mo na lang ituloy at matulog ka na” sabi ko ulit kay Nanay. Tumango lang ng ulo si Nanay sa akin at inalalayan ko na siya papasok sa kwarto niya. Inihiga ko siya sa higaan niya at inayos ang unan sa ulo niya. Wala namang pasok si Nanay sa factory kaya okay lang na magising siya ng tanghali. Bumalik ako sa sala, nai off ko ang karaoke pagkatapos ay kinuha ko yung mga ginamit ni Nanay sa pag inom ng alak. Yung yelo na binili ko ay inilagay ko na lang sa jug. Nilinis ko ang buong sala namin. Nang marinig ko na may kumatok sa pinto. Pumunta ako sa pintuan at binuksan ang pinto.
“Hi Angela” nakangiting bati ni Johnny, ang boyfriend kong gwapo.
“Bakit ka pumunta dito?” tanong ko kay Johnny.
“Angela, may problema ako sa isang subject ko sa Math” nagkakamot sa ulo na sagot sa akin ni Johnny.
“Puwede ba pumasok?” dugtong na tanong sa akin ni Johnny.
“Tulog si Nanay hindi ka puwede pumasok sa bahay” sabi ko sa kanya na gusto ko ng itaboy. Alam ni Nanay na may boyfriend na ako sa edad ko na disi otso(18), matanda si Johnny ng tatlo ng taon sa akin. Hindi ako hinihigpitan ni Nanay kaya hindi ako gumagawa ng bagay na pagsisihan ko sa huli.
Payo ni Nanay sa akin na irespeto ko ang sarili ko at sana daw hindi ako matulad sa kanya na iniwan ng asawa.
“Eh pano yan? Ikaw lang ang alam kong makakatulong magturo sa akin” pangkokonsensiya na sabi ni Johnny sa akin.
“Sa Monday na kita tuturuan. Hindi talaga puwede sa bahay pag ganitong tulog si Nanay tapos wala si Kuya” mahabang paliwanag ko kay Johnny.
May kapatid ako, panganay sa akin, si Kuya Angelo. Pumunta sa barkada niya kaya wala sa bahay.
“Sige na umalis ka na” pagtataboy ko sa boyfriend ko. Biglang nag iba ang mukha ni Johnny.
“Parang hindi mo na ko love” nagtatampo na sabi ni Johnny sa akin at sumimangot ng mukha.
“Heh! Sige magtampo ka! Kundi break na tayo!” galit kong sagot sa kanya. Nakakainis kasi masyadong ipinipilit ang hindi puwede. Ayaw na ayaw ko talaga yung pinipilit.
“Babe, love, honey, huwag naman ganon. Sige na uuwi na ako ” pang alo niya sa akin.
“Yun naman pala. Pinahirapan mo pa akong magpaliwanag” inis na sabi ko kay Johnny.
“Sorry na Babe, love, honey ko” natatakot na sabi sa akin...