LOVE ASSASSINATION “TARGET MO KO? TARGET DIN KITA, IDI KWITS LANG TAYO”
: PROLOGUE :
🦋||:AVA LUNA FERNANDEZ SANTILLAN:||🦋||: POV:||🦋
“Ms. Santillan! Natutulog ka nanaman sa klase ko!?—” Pinutol ko kaagad ito sa kanyang sinabi.
‘Ang ingay ng boses niya, tsk!’
“Nakaidlip lang ma’am.” Sagot ko habang nag-uunat ng dalawang braso, kinusot kusot ko din ang mga mata ko at pasimpleng humikab.
‘Hyss… Ang sarap matulog.’
“Anong nakaidlip? Anong paningin mo sa akin Ms. Santillan? Tanga!? At ano yang ginagawa mo? Parang pinapaalam mo pa talaga sa akin na nasarapan ka sa tulog mo dito sa mismong klase ko.” Walang emosyon ang mga mata ko ng tignan ko siya dahil don sa mga sinabi niya.
Kunot na kunot ang noo nito dahilan upang magsalubong ang parehong drawing niyang kilay, nanlilisik din ang mata nito halatang galit na galit siya dahil sa pagtulog ko. Ano bang magagawa niya? Nakatulog na ako at kahit ano pang gawin niya para ihinto ko ang pagtulog sa klase niya, wala na siyang magagawa! Pakealam niya ba kung gusto kung matulog habang siya abala sa pag lecture sa harapan.
‘Tsk’
“Masarap naman talaga matulog ma’am lalo na tuwing hapon—” Nagtawanan ang mga kakalse ko.
‘Aba pinutul niya ako sa pagsasalita.’
“Napakabastos mong babae! At sino naman ang nagbigay sayo ng pahintulot na matulog sa klase ko—”
“Sarili ko ma’am. Ikaw ma’am! Sino nagbigay ng permiso sayo na magturo habang tulog ako? Wala diba! idi patas lang tayo ma’am.” Diretso kung sagot at pinulot ang bag ko saka naglakad palabas sa classroom. “Isa pa ma’am pagmamayari namin tong skwelahan na pinagtatrabahuhan mo—kaya pwede kung gawin lahat ng gusto ko.” Dugtong ko bago tuluyang lumabas.
Bago ako naglakad paalis ay pasimple ko munang sinilip ang hitsura ng mukha niya, halatang galit na galit na talaga ito ngayon, dahil halos magdugtong na yung kilay niya at yung mukha niya pulang-pula na! Pakiramdam ko tuloy kung susundutin ko ang tagiliran ni ma’am sasabog na siya na parang bomba.
‘BOOM’
“Pft.” Impit ko ng tawa, bago tuluyang naglakad palayo sa classroom namin.
Siguro sa library nalang ako didiretso ngayon at doon ko itutuloy ang pagtulog ko, mabuti din kung don muna ako dahil walang ingay, walang istorbo, at higit sa lahat walang sermon—kung hindi mahuhuli ng pesteng matandang librarian! Subrang estrikta pa naman nong matandang yun.
‘Tsk…’
Habang naglalakad ako sa hallway papuntang library, biglang may kung sinong bumangga sa akin kaya agad ko itong tinignan para alamin kung sino yung pesteng yun.
Pero wala akong nakita na kahit sinong tao sa harap ko, kaya nilingon ko nalang ang bandang likuran ko dahil may mga yabag ng sapatos akong narinig galing doon. Unti-unting napaangat ang isang kilay ko ng makita ang isang lalaki na naglalakad papalayo, abala ito sa pagbabasa ng librong hawak niya at siguro yun ang dahilan kung bakit di niya nagawang mag sorry sa akin.
‘Tsk! No good manners—and sorry for him wala din akong manners! Idi patas lang kami.’
Pag buntong hininga nalang ang ginawa ko bago ipinagpatuloy ang naglalakad, pagkarating ko sa library ay agad akong pumasok dito. Napalingon naman agad sa akin yung librarian at pasimpleng tinignan ako mula ulo hanggang paa, hindi ko pinansin ang mga tingin niya at naglakad nalang ako papunta sa isang bookshelves, kumuha ako ng isang makapal na libro— para kunwari magbabasa ako, pagkatapos ay naghanap ako ng pwedeng pag-puwestuhan para matulog ulit.
Ng nakakita ako ng bakanteng upuan at lamesa na nakapwesto sa mismong dulong parte ng library ay agad akong naglakad palapit doon, sakto at nasa tagung side yung upuan at lamesa kaya paniguradong hindi ako mahuhuli ngayon. Pasimple akong napangiti ng makalapit na ako sa target kung pwesto, inilapag ko yung bag ko sa ibabaw ng mesa at agad na umupo sabay subsob ng mukha doon sa bag ko, yung makapal na libro namang kinuha ko ay ginamit kung pangtakip sa ulo ko.
‘Hysss… Ang sarap talaga matulog.’
Akmang ipipikit ko na sana ang mata ko ng biglang tumunog ang letcheng cellphone ko!
‘Istorbo, puta!’
Pasimple akong na pahimas sa aking sintido para pakalmahin muna ang sarili, pagkatapos ay kinuha ko yung cellphone ko sa bulsa ng palda ko na hanggang ngayon tumutunog parin, tinignan ko kung sino yung gagong istorbo na tumawag sa akin na dahilan upang mapaayos ako ng upo at sinagot agad yung tawag.
“H-hello, dad.” Bungad ko.
“Ano nanaman yung ginawa mo Ava Luna? Alam mo bang isang guro nanaman ang umalis dahil sa mga pinaggagawa mo?” Napahikab ako dahil sa narinig.
‘Yun lang?’
“Dad, wala naman akong ginawang masama—”
“Anong wala? Lagi ka nalang daw natutulog sa klase niya at sinasagot mo pa daw siya.”...