MY GIRLFRIEND TOOK ABORTION WITHOUT TELLING ME
“Reez, Sorry ha? Kailangan ko talagang sumunod doon dahil kay mama. Alam mo naman na kamamatay lang ni Papa ‘diba?,” nag iimpake kong tugon sa girlfriend ko.
“Naiintindihan ko naman, Mark. Pasensya na ‘rin hindi ako pwedeng sumama,”
“Hindi na naman kailangan. Ayoko rin na matagtag ka pa sa byahe baka mapaano ang baby natin. Mag pahinga ka na lang dito,”
Nabalitaan ko kasi na palagi daw umiiyak si Mama at laging binabanggit ang pangalan ni Papa dahil siguro hindi niya pa rin tanggap.
Kasama naman ni Reez ang Mama niya dito kaya magaan sa loob kong iwan siya. Kailangan ako ni Mama, ayokong pati siya ay mawala.
“H’wag kang kakain ng mga bawal sa’yo ha? Dito ka lang sa bahay, gusto ko na palagi kayong ligtas ng baby natin,” tugon ko pa kay Reez habang isinasakay ang bagahe ko.
“Bilisan mo lang don ha? Mamimiss kita. Baka wala ka dito kapag manganganak na’ko,” nakangusong sambit nito sa’kin.
“Oo mabilis lang ako doon. Ingatan mo sarili mo ha,” huling sambit ko bago tuluyang makaalis.
Mahirap magkaroon ng ldr na relasyon pero para kay Reez ay kakayanin ko. Gusto kong maging mabuting asawa sa kaniya at maging mabuting ama rin sa magiging anak namin.
Ipinangako ko kay Reez na isang linggo lang ako dito kala Mama pero ayaw pa akong paalisin ng Kuya ko gusto pa daw niya akong makasama ng mas matagal.
“Dito ka na lang muna bunso. Namiss ka namin ni Mama ng sobra,”
“Gawa kasi ni Reez Kuya, baka hindi niya kayanin ang panganganak kung wala ako sa tabi niya,”
Ginawa at sinabi ko na sa mga kapatid ko ang lahat ng paraan at palusot para makauwi pero parang gumagawa rin sila ng paraan para mas lalo akong tumagal dito.
“Mark? Nasaan kana? Sabi mo isang linggo ka lang d’yan? Lampas na isang buwan ah? Wala ka bang balak umuwi?,” tugon ni Reez sa ‘kin habag magkaharap kami sa videocall.
“Eh pasensya na ayaw talaga akong pauwiin pa ni kuya eh. Pangako bago ka manganak nakauwi na ako,” pagbibitaw ko na naman ng pangako.
Lumipas ang isang linggo at nawalan ako ng cellphone. Nahulog ito habang pinapaluguan ko si Mama. Masyado na kasi siyang matanda kaya hindi na niya kayang kumilos mag isa.
Nawala ang komunikasyon namin ni...