Author: Miss J
Ang Pagpapatuloy
Tumango lamang sya at kinuha ang isang baso ng tubig at nilagok iyon saka sinabing ” Sige, pero kailangan ko munang marinig ang lahat ng paliwanag mo” si Jay na habang lumalagok ng tubig eh hindi inaalis ang pagtitig nya sa akin.
Napaka lakas ng tibok ng aking puso, halos napaka hirap huminga ” Nasaan ba ang mga gamit para maihanda ko na, atleast matapos man ang paguusap natin ayos na at wala na akong iintindihin ” saad ko kay Jay, iyon lamang at ibinaba na nya ang baso na wala ng laman at saka lumakad papunta ng kanyang silid ” Dito tayo maguusap, naandito din ang mga gamit na sinasabi mo kanina pa ” at tuluyan na syang pumasok.
Kinakabahan man, sumunod nalamang ako sa kanya. Pagkasara na pagkasara ko ng pintuan, bigla ang naging reaksyon nya at akoy kanyang niyakap, yakap na nagpatulo ng aking luha.
” Bakit Jane? Bakit tayo aabot sa ganito? ” hindi na namin napigil ang aming mga emosyon, parehas ng may luha sa aming mga mata ”...

Hindi ko sya pinili Jay, wala akong pinili ” tinig na namamaos ng dahil sa patuloy na pagluha ” Hindi ko na sya Mahal, alam mo ba kung bakit?” at kinuha ko ang kanyang palad at itinapat yon sa aking dibdib malapit sa pwesto ng aking puso ” Kasi ikaw na ang nandyan”
Sumilay ang isang mapait na ngiti ” Ako na ang nandito? Sigurado ka? Bakit iiwan mo parin ako? Bakit pinutol mo ang ating nasimulan?” sunod sunod na tanong nya sa akin ” Jane akala ko, sa pag balik mo eh magiging masaya na tayo, akala ko magiging akin kana ng buo pero bakit napaka unfair mo? Bakit hindi mo ako hinayaan na mahalin ka ng tuluyan?” buong sakit ang aking nadarama ng dahil sa kanyang tinuran.
” Hindi ko to gusto akala mo, nahihirapan din ako lalo nat alam ko sa sarili ko na Ikaw ang kaligayahan ko pero paano ko ibibigay sayo ng buo ang pagmamahal ko kung ako mismo sa sarili ko eh hindi pa lubusang nabubuo ” mahabang turan ko sa kanya .