Jonathan sighed.”Ako nalang ang kukuha. After all, he’s my father. He’s dead, guys. Let’s give the man some respect.”
Sabay na tumaas ang mga kilay nila ni Cresta. Coming from the boy their father used to beat up, that was ridiculous.
“I know,” wika ni Jonathan na tila nabasa ang nag lalaro sa kanilang mga isip. “But he’s my father, too. I owe him my miserable life.”
“At saan naman siya ilalagay,aber?” tanong ni Laila.
“Sa fishpond,” tugon ni Jonathan, which made her and Cresta giggle.
“Ano?” angal ni Laila. “Magmulto pa ‘yan doon.”
“What do you want me to do? Flush him down the toilet?” tanong ni Jonathan.
“Not in my toilet,” wika ng kanyang mama.
“Okay, I’ll think of something,” sabi ni Jonathan.
“Tara let’s, gutom na ako.”
Naghiwa-hiwalay sila patungo sa kanya-kanyang sasakyan. Sina Luchie at Cresta ay Innova ang dala. Sina Jonathan at Laila ay Fortuner. Silang mag-ina ay lumang Pajero. Ang mga bagung-bagong Innova at Fortuner ay hindi regalo ng kanyang papa sa dalawa pang pamilya nito. Galing iyon sa sariling pawis nina Luchie at Laila.
“Saan ba tayo kakain?” tanong ng kanyang mama pagkasakay nila sa backseat. Ang matandang driver nilang si Mang Piko ang nag mamaneho.
“Sundan mu nalang sina Tita Luchie, Mang Piko,” utos niya sa matandang tsuper.
Sa isang Chinese restaurant sa Banawe sila humantong.
“Manlilibre ba si Luchie?” tanong ng kanyang mama bago sila umibis ng sasakyan.
“Siguro, nag yaya siya, ehh.”
“Dapat lang. Wala akong pera.”
Sa tatlong asawa ng kanyang papa, ang kanyang mama lamang ang naka depende nang husto sa asawa. Kaya kahit sandamakmak na sama...

ng loob ang sinapit ay nag tiis ito.
Si Luchie ay dating tindera ng mga damit sa Baclaran ng makilala ito ng kanyang papa. Sa Customs din nagkita ang mga ito nang minsang isama ito ng kasosyo sa Hong Kong para mamili ng mga paninda.
Noong una, ang akala ni Luchie ay nahango na ito sa hirap nang makilala at pakasalan ito ng kanyang papa. But before long, she realized she had to work if she and her daughter had to survive. Sugarol ang kanyang papa at madalas na si Luchie pa ang inuutangan nito kapag natatalo ito sa casinon. Ayon kay Luchie, bago daw mag dalawand taon si Cresta ay nagising na ito sa katotohanang hindi ito nakahanap ng palabigasan, bagkus ay ito ang gagawing palabigasan. Gusto nang makipagkalas nito sa kanyang papa noon pero ayaw ng huli.
Dating Customs commissioner at naging miyembro ng cabinet ni Madam Aquino ang kanyang papa kaya maraming koneksiyon ito. Naniniwala si Luchie na kaya nitong gawin ang mga ibinanta rito sa sandaling makipag hiwalay ito sa kanyang papa.
Ganoon din ang naging sistema ng kanyang papa kay Laila. Sa tuwing iluluhog ni Laila ang pakikipaghiwalay ay si Jonathan ang nag durusa. The boy would be black and blue from beating. Ayon sa kanyang papa, kung tatakas daw ang mag ina ay hahanapin nito ang mga iyon at papatayin. So Laila stayed at para hindi masaktan ang anak ay pikit matang pinakisamahan nito ang kanyang papa. Inihatid pa nga nito ang kanyang papa sa huling hantungan nito. Sa palagay niya, ginawa nito iyon para maka siguro itong malaya na ang mga ito.