Serenity
Hindi ko na alam kung saang lupalop na kami dahil paggising ko ay tanghali na. Medyo sumasakit na rin ang aking likuran sa kauupo at nakaramdam ako ng pananakit ng aking pantog. Medyo mainit na rin ang klima kaya naman inalis ko na ang aking jacket.
“Mommy, I’m hungry,” reklamo ni Ryleigh at napatingin ako kay Ryker sabay sinabing nagugutom na rin ako.
“Sige. Igigilid ko lang at tamang-tama may kainan na akong nakikita riyan. We can stop by to eat then go back to the road bago tayo abutan ng dilim sa daan.” Tumango naman ako at natuwa naman ang kambal.
Napatigil kami sa isang maluwang na store na gawa sa bahay kubo at sobrang ganda rin dito dahil mahangin. Nag-inat ako ng aking mga kamay at halos lumagatok ang aking likuran sa tagal kong umupo. Inakbayan ako ni Ryker at kinumusta kung ano ang aking nararamdaman. Sinabi ko namang ayos lamang ako. Pagpasok namin ay agad kaming umupo at umorder ng pagkain dahil gutom na kaming lahat.
Habang hinihintay namin ang aming pagkain ay biglang nag-ring ang telepono ni Ryker at napatingin siya sa akin. Ibinigay niya sa akin ang kanyang cellphone at nakita ko na tumatawag dito ang aking ina. Agad ko naman itong kinuha at saka sinagot nang marinig ko ang nag-aalalang boses ng aking ina.
“Oh my…Anak? I heard what happened to your house? Are you okay? Nasaan na kayo? Bakit hindi man lang kayo tumawag sa amin para hindi kami nag-aalala?” Huminga ako ng malalim at napahilot sa aking noo.
“Sorry, Mama. Ang dami ho kasing nangyari at hindi ko na ho alam ang uunahin ko. Pasensya na kayo at hindi ko kayo agad nasabihan. Kumusta na ho kayo ni Papa?” pangungumusta ko sa kanila.
“We’re fine iha. Kayo ang inaalala namin at nakita namin ang nangyari sa bahay ninyo? Ano ba’ng nangyayari iha?”
“Mama, ayos lang ho kami at kasama ko ho ang buong pamilya pati ho ang mga kasambahay. I will explain to you everything, Mama. Sa ngayon wala ho kayong dapat ipag-alala dahil ayos na ayos lang ho kami. We just wanted to have some fresh air, that’s all.” Napabuntong hininga ang aking ina at wala na ring nagawa.
“O siya sige. Pero oras na may nangyari ay tatawagan mo kami agad ha? Naku naman anak, ano ba iyong pinasok ninyong dalawa na mag-asawa?” Pinatay na niya ang tawag at saka binalik na ang telepono nito kay Ryker.
Nang matapos kaming kumain ay bumalik na kami sa kotse at itinuloy ang pagpunta namin sa address na ibinigay sa amin ni Janice. Ka-text ko lang siya kanina at sinabi niya na susunod na raw siya. Si Janice kasi ay isang ilokano at may bahay silang hindi ginagamit sa Ilocos Sur. Ayon sa kanya ay maganda na raw na taguan iyon ng kahit ni sino dahil malayo ito sa bayan at may malaking gate ito bago makapasok sa mismong bahay. Tinakot niya nga lang kami na baka raw may multo sa bahay na iyon dahil ang tagal nang hindi natitirhan.
Medyo gising na ang aking diwa dahil ang ganda ng mga palayan na aking nakikita. Ang ganda sigurong maglaro at magtakbuhan dito dahil puro palayan ang nakapalibot sa daan. Habang tinatahak namin ang daan ay nakita ko ang isang sign na papasok na kami sa Vigan City. Pagpasok namin ay sinundan na lang ni Ryker ang address na ibinigay ni Janice gamit ang waze. Ilang minutong pagda-drive pa ay narating na namin sa wakas ang misteryosong bahay bakasyunan ni Janice.
Kaso hindi naman ito mukhang pinamamahayan ng multo dahil ang bahay ay sobrang ganda. Para siyang mini hotel resort ng mga mayayaman kaya hindi mo iisipin na walang tumitira rito. Isa pa ay wala ring kapit bahay ito dahil sa mismong harapan ng bahay ay isang malawak na palayan ang meron at bago makapasok ay may gate roon. Naka-password lock pa iyong gate kaya safe na safe talaga ang lugar na ito. Ayon kay Janice ay sa kanya ang buong lugar na ito at ipinaman ito sa kanya ng kanyang lola bago ito namatay.
Ipinarada ni Ryker ang sasakyan sa harapan ng bahay...

at agad namang lumabas sila Ryder at masayang tumakbo papunta sa bahay. Sumunod naman kami ni Ryker na magka-akbay habang nasa likuran lang namin sila Linda. Tumawag na rin ako kay Janice at sinabing nakarating na kami. Sinabi naman niya na malapit na raw siyang dumating kaya naman hinintay na lang namin siya sa loob ng bahay. Pagpasok ay napakaaliwalas at linis ng bahay at hindi rin ramdam ang init sa loob kahit hindi naka-on ang aircon. Bungaloo style ito pero super luwang na magtataka ka kung paanong naipagkasya ang limang kwarto rito.
May mga halaman sa loob na siyang nagpapresko sa nasabing bahay at ang bintana ay mga sliding door na pwedeng i-lock. Naka-tiles ang mga sahig at pader kaya malamig ito sa loob. Bawat kwarto rin ay may mga sariling kama na lahat ay puro big size. At ang nakatutuwa pa ay sa mismong banyo ay may mini jacuzzi at sauna na ikinatuwa ng mga bata. Totoo nga na pang bahay bakasyunan lang talaga ito. Sa likuran ng bahay ay isang maluwang na garden kung saan pwedeng mag-picnic at may napakalaking swing kung saan pwedeng tumambay. Kaya naman nang makita ito nila Ryleigh ay gano’n na lang ang tuwa nila at agad na sumampa rito.
“Ako ang nauna rito e,” rinig kong reklamo ni Ryleigh at si Ryder naman ay napasimangot na lang pero imbes na magalit ay lumiwanag ang mukha niya.
“O sige itutulak kita pero kapag natapos ka ako naman ah?” Ang bait naman ng baby boy ko. Siya na mismo iyong nagparaya para sa kapatid niya.
“Kuya, tabi na lang tayo para maghati tau sa swing. O diyan ka sa tabi ko tapos itulak na lang tayo ni Ate Maria.” Natawa naman ako dahil inutusan pa talaga ang ate nila para magtulak sa swing. Pero nakatutuwa lang dahil kahit si Ryleigh ay nakonsensya sa sinabi ni Ryder.
Masaya kaming nakamasid sa kambal nang marinig namin ang mga kalabog sa pinto at nakita ko na si Janice na may mga dala na mga pagkain. Agad naman akong lumapit sa kanya at pagkakita niya sa akin ay bigla niya akong yinakap at naiyak na lang ako ng hindi ko alam kung bakit.
“Ano ka ba naman Serenity? Bakit ba bigla-bigla ka na lang umiiyak? Girl naman e ang init-init na nga tapos pinapainit mo iyong mata ko sa pag-iyak.” Natawa naman ako at saka pinahid ang aking luha sabay pinalo niya ako sa aking braso ng mahina.
“Sorry. Na-miss lang naman kita kasi ang tagal na nating hindi nagkikita. Tapos binulabog kita sa ganitong paraan pa kaya humihingi ako ng pasensya at pati ikaw ay dinadamay ko.” Umiling siya at saka hinawakan ang aking kamay.
“Ano ka ba? We are friends, and I will help you, no matter what.” Napangiti naman ako sabay yinakap siyang muli bago kami nahiwalay. “Nasaan na nga pala iyong dalawang inaanak ko? Gusto ko na silang makita.”
Pagkasabi niya nun ay agad naman naming narinig ang sigaw ng dalawang bata at masaya silang tumatakbo palapit sa amin lalo na sa ninang nilang si Janice. Agad namang sinalubong ni Janice ang kambal at masaya silang nagkakamustahan nang lumapit sila Ryker at kinumusta rin si Janice.
“Siya nga pala kumain na ba kayo ng pananghalian?” tanong ni Janice sa amin at tumango naman ako. “Oh my, I almost forgot about the ice cream. May binili nga pala ako bago ako pumunta rito dahil super init dito sa probinsya.” Nagpalakpakan ang mga bata lalo na nang ilabas ni Janice ang binili niyang dalawang ice cream.
Nang araw din lang na iyon ay kahit papaano ay nawala ang iniisip naming problema dahil kay Janice. Palakwento kasi siya at marami siyang jokes na alam kaya napuno ng tawanan ang bahay niya. Nang sumapit naman ang gabi ay maaga kaming natulog dahil mukhang pagod lahat sa byahe. Bukas na bukas ay ibang problema nanaman ang kahaharapin namin. Kailan kaya matatapos ito dahil pagod na ako.
– marami pa pong revelasyon ang mgaganap kaya abang na lang po kayo. Ito ang susi para malaman nio ang mga revelasyon. Char. – 😁 thanks po s pagbabasa at s support guys. –