“Saan ba ang punta mo at kanina ka pa nangangalkal ng damit diyan?”
Tanong ni Cherry saakin habang hawak ang juice niya.
“Huwag ka nang atribida at tulungan mo na lang ako sa paghahanap ng damit, nakalimutan mo na ba? ngayon ang balik ni Archie.”
Sagot ko nang hindi manlang tumitingin sa kaniya. Alam kong nagulat siya dahil sino nga ba naman ang hindi magugulat.
“Archie? your ex?”
Napatigil ako sa pangangalkal at hinarap siya.
“Anong ex ko? kami pa kaya.”
“Odessa, 4 years na kayong hindi nagkikita and—”
“Pero hindi pa kami break, at hindi mangyayari ‘yon.”
Hindi ko na siya pinatapos pa at bumalik ulit sa pangangalkal ng damit. Nang may mahanap na ako ay dumiretso na ako sa pagligo.
“Doto po”
Nakanguso kong sabi kay Cherry, nilalagyan niya kasi ng Lipstick—kailangan ‘yon ehe.
“Tama na Odessa, ang pula-pula na ng labi mo.”
“Ihhh, mabubura ‘yan mamaya at kapag nabura maputla na labi ko, edi hindi na kissable.”
“Bakit hahalikan mo ba si Archie?”
“Oo naman, aba! pagkatapos ng yakap halik kaagad.”
Napa-iling na lang siya at tinapos ang pag-aayos saakin. Nang matapos na ay tumingin ako sa salamin.
“This is it Odessa, 4 years kayong hindi nagkita pero act the same.”
It has been years since hindi kami nagkikita ni Archie, even communication through socmed. Ayon sa kapatid niya, biglaan daw ang pag-alis ni Archie dahil nagkaroon ng problema sa kanilang kompanya.
Masakit sa part ko bilang girlfriend niya ang ganitong sitwasyon, pero sa 4 years na pagdudusa ay matatapos na ngayong gabi dahil magkikita na kami. Hindi na alintana saakin ang 4 years niyang walang paramdam dahil mas nangingibabaw saakin ngayon ang tuwa.
At Archie’s Mansion
“Wow, ang engrande naman dito, nahiya normal dress ko sa mga suot nila.”
Totoo namang ang engrande, kung alam ko lang na ganito, edi sana nag gown na ako.
“Ate Odessa?”
Someone’s called my name kaya napalingon ako.
Shaira, Archie’s sister. Si Shaira lang ang nakakakilala saakin bilang girlfriend ng kuya niya.
“Shaira, kumusta?”
“A-yos lang p-po, I-I thought hindi ka makakapunta?”
“Ano ka ba, 4 years kaming hindi nagkikita ng kuya mo, palalagpasin ko ba ang pagkakataong ‘to?”
“A-hh heheehe…”
“Nasaan pala kuya mo? halika puntahan natin—”
“A-ah nasa kwarto niya pa po, p-pero pababa na rin ‘yon, may inaayos lang.”
“Ahh ganoon ba? sige hintayin ko na lang.”
Hindi ko alam kung anong nangyari rito kay Shaira at parang nakakita ng Multo nang makita ako.
Tumango na lang siya at nagpaalam, may kakausapin pa raw siyang bisita.
Nagikot-ikot ako sa mansion nila, andaming pictures nila Archie, mga paintings at mukhang mamahalin.
sa pag iikot-ikot ko ay may nakita akong cute na bata, siguro mga nasa 3 years old.
“Hi baby, ang cute mo naman, come here.”
Agad namang lumapit ang bata saakin, binaba ko kaunti ang katawan ko para pumantay sa tangkad niya.
“Where’s your Mommy? your Daddy? why you’re alone?”
“Mommy! Daddy!”
Nakatingin lang ako bata nang makalapit siya sa magulang niya.
“Baby”
Nagulat ako sa boses, dahil napaka pamilyar. Agad akong tumingin sa lalaking nagsalita.
His voice…
Tulala lang ako at hindi pa rin maproseso ng utak ko ang nangyayari ngayon. Sana nananaginip lang ako.
“O-odessa?”
Nang marinig ko ang boses niya’y tumulo ang luha ko, tiningnan ko siya pati ang babaeng nasa tabi niya at sa magkahawak nilang kamay.
Para akong initak, sobrang sakit. Hindi ako makapagsalita. Gusto ko siyang sampalin pero ayokong gumawa ng eksena rito.
Nanginginig ang buo kong katawan, at ilang sandali pa’y puwede na akong matumba.
“A-ang daya mo…” Mahina kong sambit sapat na para marinig niya.
Tumalikod ako sa kanilang dalawa ngunit hinawakan ni Archie ang braso ko.
“Bitawan mo ‘ko.” Malamig kong sabi sa kaniya.
“Let me explain, Odessa.”
“No need Archie.”
Humarap ako sa kaniya.
“Kailangan pa ba ipaliwanag ang bagay na malinaw na?”
Tanong ko sa kaniya saka tumingin sa babae at sa bata.
“Ang daya mo, 4 years—4 years kitang hinintay…sa 4 years na ‘yon puno ng pagdurusa at mga tanong.”
“Odessa…pakinggan mo muna ako.”
Tumawa lang ako habang tumutulo ang luha ko.
“Nice girl.” Sabi ko kay Archie saka tumingin sa babae.
Tumalikod na ako’t lumabas ng mansion nila.
“Odessa—”
“Archie.” Pagpipiigil sa kaniya nung babae.
nagpakawala na lang ako ng pekeng ngiti habang nakatalikod na sa kanila saka tuluyan nang naglakad papalayo.
___________________
“Wahh! ang t*nga-t*nga mo Odessa!”
Wala sa sariling sigaw ko sa daan, mabuti na lamang at liblib ang lugar at walang mga bahay. Dahil kung may bahay dito kanina pa ako nabato ng kaldero dahil sa ingay na ninilikha ko.
“Nakita mo naman ang babae Odessa diba? at ikaw! tingnan...