GENRE: ROMANCE
Written by: SKYLINE
CHAPTER 1
AGAD akong bumaba ng barko, nang ito ay dumaong sa pantalan ng Odiongan, Romblon. Huminto ako sa paglalakad at pinagmamasdan ang paligid.
“Hello, Romblon, finally narating din kita.” wika ko sa aking sarili at pinagpatuloy ang paglalakad upang hanapin ang aking yaya bhabes.
Ang yaya ko mula baby hanggang sa makatapos ako ng pag-aaral. Umalis lamang ito sa amin dahil gusto nang magpahinga dahil sa may edad na rin ito.
Habang naglalakad napansin kong natanggal sa pagkakatali ang sintas ng aking sapatos. Tumigil ako upang ayosin ito. Yumukod ako ng kunti upang itali ang aking sintas.
Ngunit habang itinatali ko ito, may naramdaman akong may humawak sa aking puwet at pinisil ito. Kaya agad akong tumayo at walang pasukalying sinampal ko ang lalaking humawak ng aking puwet “Bastos!” Galit kong sinampal ulit ang lalaking manyakis.
Natulala ako dahil ubod ng gwapo ang lalaking pangahas. May hawak itong celphone. At halatang nagulat sa ginawa kong pagsampal.
“What the he-,” hindi na natuloy ng lalaki ang nais sabihin nang sipain ko ang harapan niya. Sabay alis sa harap ng lalaki dahil nababanaag ko na ang galit sa mukha nito.
“F*ck!” Daing nito habang namimilipit sa sakit.
“Mayor, gusto mong sundan ko,”wika ng kanyang bodyguard.
“Huwag na at mukhang magkikita pa kami.” Nakangising wika ng lalaki habang sinundan ng tingin ang babaeng papalayo. “At oras na magkita tayo, sisiguradohin kong mapapasa’kin ka.” Nakangising wika niya sa kanyang sarili.
“Walang hiyang ‘yon, ang bastos.” mangiyak ngiyak na wika ko sa aking sarili.
“Charie, anak,” tawag sa kanya ng kanyang yaya bhabes. Agad na sinalubong ko ng yakap ang matanda.
“Yaya, namiss ko po kayo,” sabay halik ko sa pisngi niya.
“Namiss din kita anak ang ganda talaga ng alaga ko,” Nakangiting puri sa kanya ng matanda.
“Yaya, matagal na po akong maganda mana po ako sa inyo. At mukhang blooming kayo ‘Ya ah,”pambobola ko sa kanya.
“Naku, kang bata ka, hanggang ngayon hindi nawawala iyang pagkabolira mo.”
“Tayo na at para makakain ka na, ito lang ba ang dala mong maleta? Tanong ng matanda sabay hila ng kanyang maleta.
“Opo yaya,” wika ko habang palingon-lingon. Baka nakasunod sa kanya ang lalaki. Nahagip ng aking mga mata na sasakay na ito ng sasakyan. At ang walang hiya nakangiti pa sa akin.
“Pasalamat ka at iyan lang ang inabot mo sa akin. Ayaw ko lamang mag-iskandalo dito sa lugar na hindi ko kabisado ang mga tao. Kung nagkataon baka basag ang itlog mo.”Nanggigigil kong kausap ang sarili.
Nakita kong may kausap itong pulis at sabay tinuro ako. Kinabahan agad akong sumunod kay Yaya Bhabes. “At talagang siya pa ang may ganang magsumbong sa pulis. Eh, ako nga ang binastos niya.”
Agad akong sumakay sa nirentahang sasakyan ni Yaya sabay yuko ng aking ulo kasi papalapit na sa kanila ang pulis.
“Anak bakit ka nakayuko diyan? takang tanong nito sa kanya.
” Yaya nandiyan pa...