Embracing The Darkness Kabanata 6
Embracing The Darkness๐โช
๐Kabanata 6๐
“Ate, puwede bang kapalan mo ang make up ko?” Sambit ni Maalindog habang nilalagyan ko siya ng liquid foundation sa mukha. Nandito na kaming muli sa bar. Si Maharot naman ay naiwan siyempre sa bahay.
“Ha? Bakit?” Nagtatakang tanong ko.
“Ayaw ko ateng magmukhang inosente at mahina sa paningin ng magiging costumer ko.” Malungkot akong napangiti bago tumango.
“Don’t worry akong bahala sayo. Pagmumukhain kitang matapang. Fierce look kumbaga.” Pagbibiro ko pa at napangiti naman si Maalindog.
“Siya nga pala Marie marunong ka bang kumanta?”
“Ano Ate? Naku Ate pambanyo lang boses ko. Bakit Ate? Ah alam ko na tinanong na din sa akin iyan ni Madam noong pagdating ko dito. Kaso Ate wala kong katalent-talent sa pagkanta tanging pagluluto lang ang talento ko.” Tumatawang sagot ni Maalindog na umiiling pa. Tumango lang ako ng nakangiti. Sayang kung marunong lang sana siya kahit hindi na magaling tiyak na may pag-asa siyang kunin ni Madam bilang singer at mabilis siyang makakaahon sa utang.
Dinagdagan ko pa ang layer ng foundation sa mukha ni Maalindog. Sunod ay inayos ko ang pagkakaguhit ng kilay niya. Nilagyan ko din siya ng brown eyeshadow. Pati liquid eyeliner ay mahusay at makapal kong iginuhit sa eyelids niya. Bago ko isinunod ang mascara na mas nagpakapal sa pilik-mata niya. Napangiti ako sa itsura ni Maalindog, makapal man ang koloreteng inilagay ko ngunit sakto lamang ito hindi eskandalosang tingnan. Nagmukhang dalagang-dalaga na siya. At ang huli at kokompleto sa look niya ay ang pulang lipstick.
“Tapos na!” Masaya kong sabi sa nakapikit pang si Maalindog. Bago kong inayos muli ang mga kolerete sa pouch bag ko. Unti-unting nagmulat si Maalindog bago humarap sa salamin maging siya ay nagulat sa kinalabasan.
“Wow Ate.” Namamanghang ani pa ni Maalindog.
“Oy nag-ibang level ang beauty at age mo Maalindog ah.” Puri ni Malambing na nagbibihis. Sumilip din sila Malambot at Matamis at nagthumbs up.
“Mahusay talagang magmake-up iyang si Masarap. Minsan kapag may VIP kaming costumers ay sa kaniya din kami nagpapaayos.” Sabi pa ni Malambot.
Nakangiting nagpasalamat si Maalindog at kami naman ay nagsimula ng magsibihis.
“Oh nandito ka pa pala Sakura?” Biglang sabi ni Magaling sa pumasok na si Sakura na isa sa ladyguard dito sa bar na nakatoka tuwing umaga.
Tumango lamang ang huli at pumasok sa isa pang pinto dito sa loob kung saan naroroon ang girls locker. Lumabas din itong bitbit ang kaniyang bag.
“Ang ganda niya.” Narinig kong ani ni Maalindog na nakasunod ang tingin kay Sakura.
“Ah si Sakura iyon girl. Isa siya sa gwardiya tuwing umaga. Mag-iingat ka doon at tahimik iyon. Alam mo naman may kasabihang nasa loob ang kulo ng mga tahimik na tao.” Bulong ni Malambot. Na siniko ko naman agad.
“Huwag kang magpapaniwala diyan kay Malambot, Maalindog. Mabait naman si Sakura sadyang tahimik lang na tao at seryoso.” Nakangiting ani ko. Na sinegundahan naman agad ni Matamis.
“Oo nga. Judgemental lang talaga iyang si Malambot.” Nakatawang ani ni Matamis.
“Type kasi niyang si Malambot si Sakuโ” napatigil sa pagsasalita si Malambing nang bigla ay may kalabog at sigawan kaming narinig sa labas. Agad naman kaming lumabas ng kuwarto at nadatnan namin si Sakura na nakatabingi ang mukha at sa harap niya ay isang malaking lalaki na may kaitiman na mukhang nakainom na hindi pa man kami nagbubukas.
“Ano?! Gusto mong masapak ulit?! Huwag kang pahara-hara sa dinadaanan ko!” Matapang na ani ng lalaki. Si Maalindog naman ay napatago sa likod ko at tiningnan ko naman siya ng may pagtataka.
“S-Siya iyong costumer na nagdala sa akin sa may b-barracks ate.” Nanginginig na sabi ni Maalindog na naluluha na sa takot. At ako naman ay napasinghap sa sinabi ni Maalindog kaya naman niyakap ko siya at itinago sa likod ko.
Muli ay nagsigawan ang mga nagtatrabaho dito ng muling sapakin ng lalaki si Sakura na tahimik lang.
“Nakakadalawa ka na. Huwag mong paaboting maging tatlo.” Malamig na sabi ni Sakura na dumura pa sa may gilid at pinunasan ang dumudugong putok na labi.
“Eh ang angas mo palang tibo ka eh. Oh sige pagbibigyan kita. Tatatlohin ko para sa iyo.” Mayabang na sabi ng lalaki.
Ngunit napalunok ang lalaki sa hindi ko malamang dahilan. Nakatalikod kasi sa amin si Sakura. Bigla ay sumuntok ang lalaki ako naman ay napapikit na din sa takot sa mangyayari kay Sakura. Baka hindi na kayanin ni Sakura, babae pa din siya. Nakahanda na kong tumalikod para sundoin ang mga bouncer namin na lalaki sa silid nila ng marinig ko ang singhapan nila. Muli ay humarap ako at nakita kong hawak na ni Sakura ang kamao ng lalaki unti-unti ay napapaluhod na ang lalaki at napapahiyaw na sa sakit.
Nagulat ako ng binigyan ni Sakura ang lalaki ng upper cut halos marinig ko ang hangin sa lakas ng suntok na iyon. Bumulagta ang lalaki at mukhang nahinatay habang...
