Embracing The Darkness🍁☪
📚Kabanata 7📚
Malakas ang kabog sa dibdib ko matapos kong kumanta na hindi ko alam kung bakit ko ginawa.
Patuloy pa ding nakasarado ang mga mata ko. Ayokong makita ang reaksyon nila. Ano ba kasing naisipan mo Kendra at bigla ka na lang kumanta? Halos tuktokan ko ang sarili.
Ilang minuto ng tahimik sila kaya naman unti-unti kong iminulat ang mga mata ko at nakita agad si Madam na nakaharap na at nanlalaki ang mata. Maging ang mga kasamahan ko ay gulat na at nakanganga pa.
Bigla ay pumalakpak si Madam at niyakap ako ng mahigpit. Hanggang sunod-sunod na silang nagpalakpakan na para bang tagumpay ang concert ko.
“Perfect Kendra! Bravo! Hindi ko alam na magaling kang kumanta para kang professional singer! Tiyak kong mas dadayuhin tayo ng parokyano kung ikaw ang aawit sa entablado! Nasasabik na akong isalang ka! Umawit ka! Kung gusto mo ay iyon lang ang magiging trabaho mo. Sabay tayong kikita ng malaki! Ano? Tatanggapin mo ba?!” Sabik na sabik na sabi ni Madam na aakalain mong nanalo sa lotto kung mangutitap ang mata.
“Naalala ko tinanong kita dati maging ni Madam kung kumakanta ka pero ang sagot mo ay hindi. Anong nangyari? Bakit bigla ka na lang kumanta kanina?” Nagugulohang tanong ni Cherry.
“Ano pa ba Cherry eh di para magpapansin. Tss. Masyadong pabida, kairita.” Iritadong sabat ni Magaling.
“Tumigil kayo Cherry at Magaling! Hindi na mahalaga iyon. Ang mahalaga nakita ko na ang hinahanap ko! Ano Masarap? Kailan mo gustong sumalang?” Nakangiting tanong ni Madam.
“Madam! Paano naman ako?!” Angal ni Magaling na halatang nagagalit na.
“Eh di ano pa? You’re out! You’re fired boses bato ka kasi!” Napatingin kami sa sumabat na iyon na nanggagaling sa likod ng mga kasamahan ko kaya naman ng humawi sila ay nakita ko si Maharot na may dalang supot ng mga pagkain at nakangiting kumaway sa akin at nagthumbs up.
“Ano namang ginagawa mo dito? Ikaw ang fired na tanga! At hindi ikaw ang kausap ko!”
“Pake ko sayo. Ikaw ang tanga, hindi ako fired kung hindi ako ang nagresign kasi mayaman na ko. Hindi ka ba na inform? Puro kasi suso.” Pangsusupla naman ni Maharot na umani ng tawa sa amin. Nawala na tuloy ang pagkagulat ko sa naging feedbacks nila sa pagkanta ko bigla. Hay naku ito talagang babaeng ito hindi papatalo. Dati kasi silang magbestfriend si Magaling at Maharot kaya ganiyan na lang ang galit nila sa isa’t isa ngunit ng dahil sa isang costumer na naging parte ng buhay nilang dalawa ay nasira ang pagkakaibigan nila.
“Girls tama na iyan. I miss you Maharot.” Ani ni Cherry na nagsaway sa dalawa.
“Miss you too Baks!” Sagot naman ni Maharot na lumapit at yumakap pa kay Cherry.
“Magaling pasensya ka na pero alam mo namang tinanggap lang kita na maging manganganta dahil wala akong pagpipilian. At nasabihan naman kita na temporary lang iyon habang wala pa kong nakikitang papalit kay Maharot. Siguro din naman ay aware ka sa resulta, kakaunti na lang ang parokyanong dumadayo dito. May isa pa ngang costumer na lumapit at nagreklamong wala daw emosyon ang pagkanta mo na alam naman na natin.” Wika ni Madam na seryoso na. Nakita ko namang umirap sa akin si Magaling at halatang nanggagalaiti.
“Ano Masarap?” Muling wika ni Madam na nakabaling na sa akin.
Kinakabahan akong tumingin kay Maharot na tumango lang sa akin.
“Ano kasi Madam…may problema. Hindi ko alam pero parang may stage fear ako o audience fear. Nagpapractice kasi kami dati ni Maharot dito pero palagi akong nanginginig at nasusuka kapag nasa stage na.” Nahihiyang pag-amin ko.
Bigla ay tumawa ng malakas si Magaling na para bang may nakakatawa sa sinabi ko.
“Tanga number 2. Magkaibigan talaga. Ano Madam? Tatanggapin mo pa din ba iyan? Baka maubos ang parokyano mo kapag inatake iyan ng stage of fear kuno niya.” Sabad muli ni Magaling na nakangisi na sa akin na hindi ko na lang pinatulan. Habang si Maharot naman ay pinipigilan ni Cherry na sugorin si Magaling.
Tahimik na napahalukipkip si Madam at bahagya pang nangungunot ang noo at tinitingnan ako waring nag-iisip.
“M-Maskara…” Mahinang sabi ni Maalindog na nakatayo na pala at nasa tabi na nila Matamis.
“A-Anong sabi mo Marie?!” Gulat na tanong ni Maharot.
“Maskara. Hindi ba Ate noong unang beses akong sasayaw...

sa stage sabi mo magmaskara na lang ako para kahit papaano hindi ko maramdaman ang kahihiyan?” Sabi sa akin ni Maalindog at si Madam naman ay napapitik sa hangin. Tama, gagana kaya kung magmamaskara ako. Hindi ko alam pero sana.
“Bravo Maalindog! May bonus kang allowance sa akin.” Nakangiting ani ni Madam. Lumapit naman sa akin si Maharot na parang natutuwa na sa wakas ay naresolba na ang matagal naming problema.
“Bakit hindi natin naisip iyon? Subukan na natin?” Excited na sabi sa akin ni Maharot.
“Subukan mo na Masarap. Gusto mo na bang sumalang mamaya Masarap para masubukan?” Maging si Madam ay nasasabik, halos makakita ako ng peso sign sa mukha ni Madam.
“Pero may kondisyon ako. Saka ko na sasabihin kung ano iyon.” Oo may kondisyon ako pero pinag-iisipan ko pa.
“Sige. Kahit ano pa iyan. Lumapit ka sa akin kapag handa ka ng ilatag ang kondisyon mo para mapag-usapan. Pero sa ngayon kailangan muna na nating subukan kung gagana ba ang maskara sa iyo. Mag-ayos na kayo! Magbubukas na tayo. Aasahan kita mamaya Masarap.” Ani ni Madam at tumalikod na.
Ako naman ay hinila na ni Maharot at ng iba ko pang kaibigan papasok ng dressing room. Ilang gowns and dress ang iniharap nila sa akin hanggang ipinasukat nila sa akin ang isang max satin dress kulay bronze ito na aabot sa paa ko. Wala kong nagawa kung hindi ang isuot ito. Paglabas ko ng kurtina ay tiningnan nila ako.
“Sexy mo beshie.”
“Bagay sa iyo.” Ani naman ni Matamis. At ilan pang papuri sa kanila ang natanggap ko. Nang humarap ako sa salamin ay kitang-kita ko ang pisngi ng dalawang dibdib ko. Hindi na din kasi ako nagsuot pa ng bra at wala din naman akong dalang nipple tape ngayon. Makikita kasi kung magbabara ako sa tabas ng dress ko. Hindi naman masyadong halata ang utong ko dahil sa mga tupi nito.
Hinila ako ni Malambing at inupo sa upuan at inumpisahan niya na akong lagyan ng kolorete. Si Malambot naman ay inalis sa pagkakapusod ang buhok ko na bahagyang nangulot na at itinali ito ng kalahati.
“Ito! Ito!” Sigaw ni Maharot habang hawak ang isang puting half-maskara na may gold linings. Isinuot iyon sa akin ni Maharot habang nilalagyan ako ni Malambing ng red lipstick. Isinuot ko naman ang nude sandals na inabot sa akin ni Maalindog. Nagpasalamat ako sa kanila at humarap na sa whole body mirror.
Napanganga ako sa itsura ko. Napaksexy at elegante ng look ko. Mukha akong mamahalin.
“Parang kang mayaman na aattend sa isang pangmayamang party, girl.” Ani ni Malambot.
“Korek.” Segunda ni Matamis.
“Salamat sa inyo.” Nakangiti kong muling pasasalamat sa kanila. Si Magaling naman ay nagdadabog na lumabas.
“Masarap be ready na daw sabi ni Madam. Ito iyong kakantahin mo.” Ani ni Cherry na pumasok sa dressing room at bago siya lumabas ay pinuri niya din ako mukha daw akong asawa ng Presidente at paambunan daw siya ng ganda na tinawanan ko naman.
Nagpaalam ako sa kanilang magccr lang dahil naiihi ako sa kaba. Jusko huwag naman sana akong atakihin ng fear ko. Napabuntong hininga ako habang hawak ang papel na binigay ni Cherry. Saving All My Love For You ang kakantahin ko. Mabuti na lamang at kabisado ko iyon hindi ko na kailangan ng kodigo.
“Magandang gabi Lasang Pang-Masa.”
Nang marinig kong magsisimula na ay nataranta akong lumabas ng comfort room. Ngunit hindi ko inaasahan ang pagsulpot ng isang pigura kaya hindi ko naiwasan ang pagbunggoan namin. Nabitiwan ko ang papel at muntik na akong maout of balance kung hindi ako nahawakan sa braso ng nakabunggo ko. Tarantang humingi ako ng pasensiya bago kumalas sa kaniya at yinuko ang papel na nahulog ko. Tumayo na ako at handa na sanang magpasalamat at humingi muli ng pasensiya ngunit napatigil ako nang makita ang mukha ng nakabunggoan ko. Nakawhite shirt ito na plain at maong jeans. Makakapal ang kilay niya at nagtataglay ng maiitim na mga mata. Matangos din ang kaniyang ilong—
“Stop staring at me. Fix your dress your nipples are waving at me.”
“H-Ha?” Tanong kong parang tanga.
“Nakikita ko na iyong utong mo. Nice to meet you nipples.”
To be continued…
Picture ng dress niya below..So anong feedbacks? Ilang ang naghintay ng update kay Masarap? Sorry late update natulog pa kasi ko…