Pagka alis ni Lee para sundan si Leslie,saka naman dumating ang Doktor na nag opera kay Viel.
” Kumusta?” Tanong nito sa bata at saka tiningnan ang kalusugan nito.
” Ok na po ako…medyo kumikirot lang yung sugat ko.”
” Matibay ka bata..nandoon ka na sana sa kawalan pero nagawa mo pa ring lumaban sa edad mong yan.” Hangang hanga ang doktor niya dahil hindi ito nagpadaig sa kinaharap na panganib.
” Syempre naman,Dok. Tulong tulong ho kaming nag dasal para sa anak namin. At salamat na rin sa malaki nyong tulong para iligtas siya.” Ani Larry.
” Trabaho ko iyon. Pero kung hindi lumaban ang anak nyo,di sanay hindi nyo siya nakakausap at nakakasama ngayon.”
” Mabait po talaga ang Diyos,Dok. Sinamahan niya sa pakikipaglaban sa kamatayan si Viel. ”
” Tama ka. ”
” Ah..kelan ho kaya siya makakalabas dito?”
” Oobserbahan ko pa. Kapag mabuti na talaga ang kalagayan niya,pauuwiin ko na siya.”
” Salamat po.”
” Walang problema. Ah..sige. alis na muna ako. May titingnan pa’konh ibang pasyente. ” Pagpapalam nito.” Pagaling ka ha….” Baling niya kay Viel sabay hawak sa ulo nito.
” Opo.” Tugon ni Viel na sinabayan pa ng tango.
Iniwan na sila ng Doktor.
” Oh,Viel. Pagaling ka raw. Kumain ka ng marami para makauwi ka na.” Saad ni Yssa na inihanda ang pagkain para sa kanya.
” Pero titser Yssa,busog pa po ako.”
” Ganoon ba..itong prutas na lang.”
” Mamaya na lang po..”
” O,sige. Mamaya na nga lang..” hindi na rin nagpumilit pa si Yssa.” Pero kumain ka ng marami ,ha. Ipapasyal kita.” Dagdag pa nito.
” Opo. Pero sana lahat tayo…”
” Ha?…ahh….syempre naman. Lahat tayo,papasyal. Isasama ko rin yung anak ko para masaya.”
” Sige po.” Kumikislap ang mga mata ni Viel nang mapag usapan ang pagpasyal.
Maya maya ay dumating sina Lee at Leslie.
” Anak….” Agad na lumapit si Lee kay Viel . ” Kumusta na pakiramdam mo?”
” Ok na po ako,papa.”
” Mabuti naman. ”
” Hindi pa sinabi ng Doktor kung kelan makakalabas si Viel. Kailangan pa kasing obserbahan.” Si Larry.
” Mas mabuti ngang dumito muna siya para masiguro nating maayos na talaga siya.”
” Hayaan mo ,Viel. Kahit ilang araw ka pang manatili rito sa hospital,ok lang iyon. Ako ang mag aalaga sayo. Libre naman ako.” Ang sabi ni Leslie.
” Huu….para makita mo lang lagi si Lee,eh..” kantyaw ni Yssa na ikinagulat bahagya ni Leslie. ” Hay naku…Viel . Ang totoo niyan,yang tita Leslie mo,kapag kami lang ang magkasama,bukambibig yang papa Lee mo.”
” Yssa…kelan yon?”
” Hoy! Pa inosente ka pa diyan. ”
” Wala nga..ikaw Yssa..gumagawa ka ng kwento ha..bad iyon.”
” Bad ka diyan? Gawin pa kong sinungaling…”
Kinikindatan naman ni Leslie si Yssa. Napapahiya na kasi siya.
” Leslie..libre naman si Lee. Kaya…bakit naman hindi..” kantyaw rin ni Larry. ” Diba Lee? Matagal ng patay ang asawa mo. At saka,para naman may mag aalaga kay Viel kung sakaling makahanap ka ng trabaho. At para na rin,may mag aalaga sayo kapag..alam mo na.”
” Tumigil ka nga ,Larry. Kakakilala ko lang sa babaeng iyan.” Turo niya kay Leslie. ” Ipagdiinan mo na sakin.”
” Hoy! Lee! Ang ganda ko para patulan ka!” Hirit ni Leslie. Napapahiya na nga siya,mas lalo pa syang pinapahiya ni Lee. ” At saka, si Viel lang ang aalagaan ko no!”
” Teka lang….baka nakakalimutan mo na ina amoy amoy mo ko kanina habang nakayakap ka sakin.”
Nagulat sina Larry at Yssa sa sinabi ni Lee.
” Leslie?! Totoo?! Hindi nga?!”
” Yssa,hindi ah! Siya yong pumilit sakin na yakapin siya. Halos masubsob na nga mukha ko sa dibdib niya kanina.” Deny to death si Leslie.
” Lee?!” Nanlaki pa mata ni Larry nang tumingin kay Lee.
” Huwag mo kong tingnan ng ganyan ,Larry.” Kunwaring inis ni Lee kay Larry. Sa isang iglap naging magkaibigan sila.
” Lee…ayos lang iyan. Sabi ko nga,libre ka na naman.” Nakangiti pang gawi ni Larry.
” Bahala na nga kayo..” suko na si Lee.
” Hi..hi..hi..” natatawa naman si Viel sa tinuran nilang lahat.
” Uy! Dahan dahan anak..baka mabinat sugat mo.” Paalala ni Lee sa bata.
” Papa Lee..ang saya naman po ninyong tingnan ni Tita Leslie. Papa Larry,parang gusto kong makaranas ng pag aalaga ng isang mama.”
” Naku..anak . Patay tayo diyan. Paano nga ba,Lee?” Baling nito kay Lee.
” Naku Leslie..baka naman…” Tukso na naman ni Yssa.
” Tanungin mo si Yssa ,Viel. Mama na siya diba..alam niya kung paano.”
” Pero tita,may sarili po siyang anak na aalagaan. Gusto ko, ako yung inaalagaan.” Ang sagot naman ni Viel. Nakikisabay din yata sa tuksuan nila.
” Hahhaa mukhang kandidato ka na Leslie ah…” Tawang tawa si Yssa kay Leslie na pulang pula na ang mukha.
” Viel,kung alaga lang naman ang kailangan mo,maibibigay ko iyan.” Lakas loob nitong saad sa batang nakangiti.
” Pati si papa Lee?”
” Oy! Hindi ah! Ibang usapan na iyan!”
” Anak naman. Pati ba naman ikaw?” Nagsalita na naman si Lee.
” Hahahhaha…..” Tawanan ng iba pa.
Saka nagkatinginan sina Lee at Leslie. Simula na nga ba ng pagpapareha nilang dalawa?
” Eh,Viel. Kung sakali ba na si tita Leslie ang magiging mama mo…ok lang ba sayo?”
” Hoy! Larry! Bata lang iyan!” Saway ni Lee.
” Relaks ka lang ,Lee. Hayaan mong sumagot anak natin.”
” Mabait naman po si Tita Leslie. Kaya..ok lang. Alam ko naman na aalagaan niya ako. Mahal nya kasi ako.”
” Ayun….eh di may panalo na.” Hayag ni Larry.
” Tumigil nga kayo. Pinagkaisahan nyo na ko niyan.” Hindi makatingin na saad ni Lee. Pati kasi siya pulang pula na.
Si Yssa naman ay nakatingin kay Larry. Natutuwa siya at masaya rin ito kahit na alam nitong darating ang araw na malalayo si Viel sa kanya.
Dumating ang araw ng paglabas ni Viel sa hospital. Umuwi na muna sila sa bahay ni Larry dahil sa wala pang bahay si Lee. Kahit na medyo maayos na ang sugat ni Viel,kailangan pa rin niyang magpahinga at umiwas sa pagkikilos.
Si Larry ang nagluto at naghanda sa mesa pagdating ng gabi. Habang si Lee naman ay tanging si Viel ang inaasikaso.
” Kain na tayo.” Tawag ni Larry sa dalawa. Hindi rin nagtagal ay lumabas rin.
” Ang bango naman po ng ulam natin,papa Larry. ”
” At saka masarap!” Dugtong ni Larry. ” Upo na. Kain na tayo.”
” Sige po!”
” Subuan na kita anak.” Kumuha si Lee ng kutsara at nilagyan ng pagkain saka sinubuan si Viel. ” Lakihan mo yung subo anak.” Sabi pa nito.
” Ahh….” Sabay nganga ni Viel.
” Yan….”
” Masarap ba,anak?” Tanong ni Larry.
“Opo,papa Larry. Salamat po.”
” Masarap din akong magluto.” Sabat ni Lee. ” Doon nga nahulog mama mo sakin noon. ”
” Talaga po?”
” Oo naman!”
” Saan po,papa?” Hindi yata naintindihan ni Viel ang sinabi ni Lee. Iba kasi ang pagkaintindi nito sa ” hulog”
” Ha? Ah….” maang na sambit ni Lee.
” Ang ibig sabihin ng papa Lee mo ,Viel. Nainlab mama mo sa kanya dahil sa masarap siyang magluto.” Paliwanag ni Larry kay Viel. Siniko nya si Lee saka sinabi. ” Ikaw naman..alam mong bata pa ang anak natin. Linawin mo yung sinasabi mo.” Bulong nito sa huli.
” Pasensya na…” Ganting bulong rin nito kay Larry.
Ilang sandali pa ay dumating sina Yssa at Leslie sa kanilang bahay.
” Magandang gabi….” Panimulang bati ni Leslie. Lumapit siya kay Viel at humalik.
“May dala kaming ice cream para kay Viel.” Inilapag ni Yssa ang dala nitong ice cream sa mesang kinakainan nila.
” Bukas mo na lang kainin yan ,anak. Ilalagay ko na lang muna ito sa loob ng ref.” Tumayo si Lee at tinungo ang ref saka binuksan. Inilagay ang dalang ice cream ni Ysaa.
Pero pagbalik niya sana sa kanyang upuan, natigilan siya dahil si Leslie na ang naka upo katabi ni Viel.
” Ehermm….baka naman.” Sabi niya pero hindi naka tingin kay Leslie.
” Ha? Baka...

naman ano?” Pa inosente pang sagot ni Leslie kahit alam na nya ang ibig nitong sabihin.
” Upuan ko kasi yang inuupuan mo. ”
” Ikaw naman. Bisita ako kaya tumayo ka na lang diyan.” Umiwas siya ng tingin kay Lee na parang wala lang.
Napakagat naman ng labi si Lee. Gusto niya pang magsalita pero baka mauwi na naman sa tukso ang lahat.
” Mukhang masarap ang ulam nyo ah..”
” Opo,titser Yssa. Si papa Larry po ang nagluto. Kain po kayo.”
” Naku busog kami,Viel. Kumain kami sa bahay bago pumunta rito. Doon na lang muna kami sa sala para maipagpatuloy na ninyo ang pagkain. Leslie,tara.”
” Sige na,Yssa. Dito lang ako. Susubuan ko lang si Viel. ” Tanggi nito. Kinuha niya yong kutsara na may pagkain at isinubo kay Viel. Siya na ngayon ang gumagawa sa halip na si Lee. Si Lee na umupo na lang sa tabi ni Larry dahil inagawan ng upuan ni Leslie.
Natapos rin ang hapunan nila. Si Yssa na nakaupo sa sala,nilapitan ni Larry at kinausap. Si Leslie naman ay sinamahan si Viel sa silid nila ni Lee. Nagprisinta naman si Lee sa pagligpit ng kinainan kasama na ang paghuhugas ng pinggan.
” Yssa,gabi na. Hindi pa ba kayo uuwi? ”
” Tumawag ako sa kapatid ko,gagabihin lang ng kaunti. Nakiusap kasi si Leslie na manatili pa ng isang oras. Gusto niya munang makasama si Viel. Napamahal na rin yata sa kanya ang bata. Mabuti nang ganoon. Kahit sandali lang ,nakakalimutan niya ang tungkol kay Rodney.”
” Si Rodney nga pala…kumusta?”
” Pinuntahan ko siya kaninang umaga. Nagpaalam ako sa school para dalawin siya. Maayos naman siya. Sa susunod na dalaw ko nga,isasama ko si Leslie. Biglaan ko lang kasi naisip na dalawin siya kanina.”
” Ganoon ba…”
Sandaling katahimikan….
” Ah..Nakita na ba ng anak mo si Rodney?”
” Hindi pa. Baka sa susunod na dalaw ko,isasama ko rin siya.”
” Hindi ba nakakasama sa bata na dumalaw sa kanya sa kulungan?”
” Sa tingin ko,hindi naman. Naisip ko nga na baka,mas lalakas loob niya kung makikita niya ang anak namin. ”
” Siguro nga. ”
Katahimikan ulit…..
” Larry…”
” Ha?”
” Sa tingin ko,ngayon ko dapat sabihin ito sayo.”
” Ang alin?”
” Alam ko na hanggang ngayon,mahal mo pa ako. Pero…”
” Pero ano? Nahihirapan ka?”Nahihirapang sumagot si Yssa sa kanya.
” Larry… Salamat at minahal mo ko. Gusto rin naman kita pero..pero mas mahalaga sakin ang kaligayan ng anak ko. Naawa ako sa kanya sa tuwing tinatanong niya ang tungkol sa kanyang papa. ”
Ginanap ni Larry ang kamay ni Yssa.
” Yssa…naiintindihan kita. Gawin mo kung ano ang tama. Alam ko naman na …na kahit gusto mo rin ako…may puwang pa rin naman si Rodney diyan sa puso mo. Kaya…huwag kang mag alala. Ok lang ako. ”
” Sorry….”
” Huwag kang mag sorry sa kin. Wala ka namang kasalanan. Sadyang mapaglaro lang ang tadhana. Pinagtagpo tayo para makita mo siyang muli. At ayusin ang mga nakaraang pagkakamali. Hangad ko ang kaligayahan ng pamilya mo,Yssa. ”
” Salamat,Larry. ”
” Salamat rin. Makakalimutan rin kita. At ganoon ka rin. Ok na sakin na mananatili tayong magkaibigan. Buuin nyo ni Rodney ang pamilya nyo alang alang sa anak nyong dalawa. ”
” Oo..”
At isang yakap ang naging katapusan ng kanilang pag uusap.
Matapos magawa lahat ni Lee ang gawain sa kusina,pumasok siya ng silid at sinilip sina Leslie at Viel na ngayon ay nakatulog na pala.
” Tsk!”
Lumapit si Lee sa anak. Inayos ang kumot. Nahagip ng kanyang mga mata ang mukha ni Leslie na nakapatong sa braso nito na nakatagilid pahiga. Bubuhatin sana niya ang babae dahil tiyak mamamanhid ang braso nito. Aayusin ang pagkahiga pero naisip niya na baka magising ito at iba na naman ang iisipin. Kumuha na lamang siya ng isa pang kumot para kumutan ito. Gigisingin na lang kapag uuwi na sila ni Yssa.
Dahan dahan na kinukumutan ni Lee si Leslie baka kasi magising ito. Pero sa kabila ng marahang pagkilos,nagising pa rin ito.
” A..anong ginagawa mo?” Sabi nito kay Lee na ang mukha ay malapit sa kanya.
Napakurap kurap si Lee habang nakatitig si Leslie sa kanya.
” Lee…” Pukaw niya sa tulalang lalaki.
” Ah..” agad itong umayos sa pagkatayo.” Kukumutan lang kita. Huwag kang mag isip ng iba.” Sabi pa nito na hindi man lang tinitingnan si Leslie.
” Ahh…nakatulog pala ako. Pwede bang dito ako matulog ngayong gabi?” Umayos siya ng higa sa kama.
” Oy! Tayo diyan. Hindi ka pwedeng matulog sa silid namin ng anak ko.”
” Sige na. Ngayon lang naman. Tabi na lang kayo ni Larry.” Tumalikod pa ito ng pagkahiga kay Lee.
” Hindi pwede… Bangon diyan.”
Pero hindi siya pinakinggan ni Leslie. Pumikit ito ng mga mata at matutulog na sana. Walang pagpipilian si Lee kundi ang buhatin si Leslie palabas ng silid nila ng anak.
” Ay!!” Napatili si Leslie nang maramdamang yumakap si Lee sa kanya para buhatin palabas. Nagpupumiglas pa siya.
” Sige..gumalaw ka at nang mahulog ka sa sahig.” Wika ni Lee na buhat buhat na siya.
” Teka lang! Ibaba mo ko!”
” Ibababa kita pero doon sa labas!” Mababa pero madiing sabi nito.
Kapwa napatingin sina Yssa at Larry sa may sala nang makita nilang buhat buhat ni Lee si Leslie papunta sa kanila.
” Diyan ka!” Pabagsak pa nitong binitawan si Leslie sa sofa.
” Aray!!” Daing ng huli.
” Lee?!”
” Yssa,pakisabi sa babaeng iyan. Huwag siyang makulit. Hindi na nakakatuwa.” Tahimik lang si Yssa na nakatingin sa kanya. ” Umuwi na nga kayo. Gabing gabi na.” Taboy nito.
” Lee…”
” Ang sungit nito!” Sigaw ni Leslie sa kanya. ” Hmmp!!” Inirapan pa niya si Lee.
” Leslie..ano naman ba ang ginawa mo?” Tanong ni Yssa.
” Wala! ”
” Anong wala! Tama bang hingin mo sakin na doon ka matulog sa silid namin ng anak ko? At ako ,ipapatabi mo ko kay Larry?!”
” Ahh..yun pala. Kaya galit si Lee kasi pinapatabi ka ni Leslie sakin. Gusto mo pala na si Leslie ang katabi mo sa pagtulog…” Biro ni Larry kay Lee.
” Ano?!” Nagkasabay pa sina Lee at Leslie.
” Oh eh..tama naman ako diba?”
” Pwede ba…”
” Sige na,Leslie. Bumalik ka na silid ni Viel. Dito ka na matulog kung gusto mo.”
” Hoy!Larry!”
” Ihahatid ko na pauwi si Yssa. Pagbigyan mo na si Leslie ,Lee. Mabait ka naman kaya walang mangayayaring masama sa kanya. At kung meron man,patay ka kay Rodney.”
” Huh?! Gusto mo talagang matulog dito ah!” Baling niya kay Leslie.
” Oo! Pero katabi ko si Viel!”
” Pwes! Halika!” Binuhat ulit ni Lee si Leslie papuntang loob naman ng silid nila. Inilapag sa sahig. Nilagyan ng unan ang ulo saka kinumutan. ” Humiga ka ng maayos! Matutulog na tayo!”
” Teka lang! Ayaw kitang katabi! ” Reklamo ni Leslie nang tinabihan siya ni Lee sa sahig.
” Hindi kita naririnig!” Sabay takip sa magkabilang tenga.
” Lee!! ” yugyog niya sa balikat nito.
” ano ba?! Tumahimik ka nga! Magigising anak ko sa ingay mo!” Saad nito sa mababang tono.
Tumigil si Leslie. Nag isip. Si Lee naman ay kumilos. Humarap na sa kanya at pinatong pa ang kanang binti at paa nito kay Leslie.
” Alisin mo yang binti mo!” Mariin at mahinang wika ng babae. ” Lee….”
Samantala….sa labas naman ng silid.
” Ok lang ba si Leslie sa loob?”
” Ok lang iyon. Mabait naman yan si Lee kahit papano. ”
” Eh,parang may gagawin na hindi maganda eh …”
” Hindi ‘yon. Halika na. Ihahatid na kita. At saka,tama lang yan kay Leslie. Kababaeng tao,dito matutulog kasama kaming mga lalaki.”
” Iba naman kasi kayo. Kilala na namin. At napatunayan na mabait. Kaya kompyansa siya na ok lang dito siya matutulog.”
” Kahit na. Halika na nga. Iuuwi na kita.”
Hinila na siya ni Larry palabas at pinasakay na sa naiwang kotse ni Rodney. Hinatid pauwi ng kanyang bahay.