The Mafia Boss Property
Written By: Kaizer Clux
Meet ‘Remiah Jianne Agatha’ isang simpleng babae na tanging gusto lamang ay ang mabuhay ng tahimik. Simpleng babae na mas piniling manirahan kasama ang kaniyang lola. Isang babae na mas ginustong mabuhay ng ordinaryo at payapa. At hindi sa buhay na halos lahat ata ng tao ay inaasam.
Pero handa ba siyang isugal ang tahimik na buhay na mayroon siya para sa lalaking minamahal niya? Kaya ba niyang isuko ang lahat makasama lang ang lalaking yon?
–
“Kamusta naman ang naging lakad niyo kahapon,apo?”biglaang tanong ni lola sa gitna ng pagkain namin ng agahan. Napinto naman ako sa pag subo at nag angat ng tingin kay lola,tapos na siyang kumain at naka titig lang siya sa akin.
Napa-buntong hininga ako bago ibaba ang kubyertos na hawak ko.Sa totoo lang ay wala naman ako masasabi sa kanya tungkol sa nangyari kahapon. Walang nagbago,kung ano ang nangyayari noong umpisa ay ganoon pa din hanggang ngayon.
“Ganon’ pa din naman la,wala naman ng bago sanay na ako. Nagsasawa na din ako kaya naman pinutol ko na ang komunikasyon ko sa kanila. Kaya maghanda ka na la,lilipat na tayo ng tirahan.”malumanay kong sagot. Bakit ba kasi hindi nila maintindihan na nais ko na lang ngayon ay tahimik na buhay?
“Sigurado ka na ba dyan apo? At tsaka bakit naman tayo lilipat? Hindi mo na ba gusto dito sa bahay natin?”nag aalalang tanong niyang muli. Ngumiti naman ako sa kanya ng pagkatamis-tamis bago siya lapitan at yakapin.
“La,parehas natin gusto ng tahimik at payapang buhay. Kaya paano tayo makakapag simula kung dito parin tayo mag sisimula? Hindi ba’t mas maganda kung malayo sa kanila natin umpisahan ang plano nating mabuhay ng matiwasay? Kahit ngayon lang lola maranasan man lang natin ang normal na buhay.”wika ko ng hindi bumibitaw ng yakap sa kanya. Marahan naman niyang sinuklay ang buhok ko bago ko madinig ang kaniyang sagot.
“Sige kung yan ang nais mo apo.”napangiti naman ako dahil sa sagot niya.”Oh siya tapusin mo na ang pagkain para makapag-impake na tayo.”
“Akyat na po kayo sa kwarto niyo la,ako na bahalang mag ligpit dito.”
Mas pipiliin ko na mabuhay ng ordinaryo kaysa sa maranyang buhay. Ano bang gagawin ko sa mga pera kung hindi naman ako magiging masaya? Like people said;money can’t buy happiness.
Kung hanggat maaari hayaan sana ako ng tadhana na maging masaya. Kahit hindi habang buhay basta maranasan ko lang maging masaya ngayon kasama ang aking pakamamahal na lola. Lalayo na kami sa buhay namin noon at mag uumpisa ulit sa una.
–
[Remiah’s POV]
~One year later~
“Ji-Ah!”sigaw ni Valmoria ng makita niya ako. Bakit ba lagi akong inaabangan nung babaeng ‘to sa labas ng gate? Kung hindi lang siya babae at isa siyang lalaki iisipin ko na may gusto siya sa akin. At ito yung paraan niya ng panliligaw. Ang araw araw akong hintayin sa labas ng gate ng ‘eskwelahan.
“Magandang umaga,Ji-Ah!”isa pa yung pag tawag niya sa akin ng ‘Ji-Ah’ hindi ko alam kung saan niya nakuha ang pangalan na iyon. Basta ang alam ko lang nung unang pasok ko sa paaralan na ito at naging kaklase ko siya ay iyon na ang tawag niya sa akin.
“Uh magandang umaga,ano nga ulit ibig sabihin nung ‘Ji-Ah’? ” naiilang ng tanong ko sa kanya. Hindi ko naman kasi siya kaibigan at hindi ko rin siya gaanong kinakausap tanging ngayon ko lang siya binati pabalik.
“Oh my! Halos isang taon na kitang...