What a Girl wants 💕🥰
🍬 CHAPTER FIFTEEN 🍬
NAGKAKAGULO sa loob ng van dahil sa sobrang excitement. Lima sa mga manliligaw ni Claribelle ang kasama niyang a-attend sa rock concert sa MOA open ground ng bandang Phantom. Group date nila iyon at ngayon lang sila makakalabas ng mansiyon nang sabay-sabay. Para tuloy silang isang malaking barkada.
“Ngayon pa lang ako makakapanood ng totoong concert. Fan ako ng Phantoms! Rock ‘n roll!” bulalas ni Gerlan at tumayo pa mula sa upuan saka kunwari ay tumugtog ng gitara.
“Ako rin. Mahal kasi ang ticket sa ganyang concert,” sabi ni Vincent.
“Ang babaduy talaga ninyo. Normal na lang sa akin ang ganyang concert. Parang nagbubukas na lang ako sa iTunes,” sabi ni Jaime na parang walang pakialam sa mga kasama.
“Eh, di ikaw na ang mayaman,” sabi ni Dave. “Claribelle, mahilig ka rin ba sa ganyang concert?”
“Baduy rin ako kasi ngayon pa lang ako makaka-attend. Kapag nagkakaroon ng concert sa university namin, hindi ako nakakapanood dahil bantay ako lagi sa booth,” pagkukwento ni Claribelle. “Kaya excited din ako sa concert na to.”
“Hindi ba kayo nanonood ng concert ng boyfriend mo?” tanong ni Warren.
Nagkibit-balikat si Claribelle. “May kanya-kanya kaming responsibilidad.”
“Malamang, bantay din siya sa booth,” sabi ni Warren. “Sipag niyo naman. Ano bang hilig ninyong gawin ng ex mo?”
“Magbasa ng libro. Manood ng pelikula.” (Pero lahat ay pagatago.)
Pumupunta sila ni Reymart sa park para mag-picnic pero sinisiguro nilang malayo sila sa mga tao. Hindi rin sila makapanood ng pelikula sa sinehan kaya nakokontento na lang silang manood ng DVD sa bahay nila. Hindi sila normal na magkasintahan. Hindi sila ang tipo na nakakalabas para mag-date lalo na noong minor pa si Claribelle dahil ayaw siyang payagan ng nanay niya. Nang nasa tamang edad naman na ay limitado na ang mga kilos nila ni Reymart at hindi na sila pwedeng makitang magkasama ng mga tao. Pero sa mga sandaling magkasama sila ay masaya siya.
Paborito rin ni Reymart ang Phantom Band. Kaya nga excited ding manood si Claribelle. Manonood din kaya ang binata? Magkikita kaya sila?
“Sa akin ka didikit para maging cool ka,” sabi ni Jaime at pabirong inakbayan si Claribelle.
“Dito ka sa aming mga hot,” sabi ni Gerlan at hinila ang siko ni Claribelle. Kakampi rin nito ang ibang mga kasama.
“Mahahawa ka ng kabaduyan sa mga yan,” sabi ni Jaime.
“Mas baduy, mas guwapo,” kontra ni Dave.
Nagkukulitan pa rin ang mga ito nang dumating sila sa concert ground. Maraming bumati sa kanila at hindi rin nila maiwasang ma-excite dahil sa kabi-kabilang celebrities na nakita nila sa venue. Lumapit kay Claribelle ang isang babaeng komedyante.
“Ikaw si Miss Pastillas, diba? Pa-picture naman. Ang ganda mo. Kamukha mo ako noong kabataan ko.”
“Naku, eh, di ganyan din po ako pagtanda ko?”
“Oo. Pag nakunsumi ka na sa mga lalaki,” sabi ng komedyante at saka humalakhak. “Boys, tayo naman ang magpa-picture. Kunwari, pinagkakaguluhan niyo rin ako.”
Naaaliw si Claribelle na pagmasdan ang mga kasama lalo na nang hindi lang fans ang nagpapa-picture sa mga lalaking kasama niya kundi maging celebrities. Pinag-uusapan na talaga sila ng buong bansa. At dahil mas madalas nakakulong sa mansiyon, hindi nila inaasahan na ganoon kalaki ang impact nila sa mga tao. Sabi nga ni Abegail, they were celebrities in their own right.
“Everyone, mag-enjoy lang tayo. Kalimutan niyo muna ang tungkol sa show. Nandito tayo para aliwin ang sarili niyo. Group date ito. Have fun!” sabi ni Abegail na tumayo sa gilid nila. May kasama silang isa pang production assistant at dalawang security.
Mayamaya pa ay nagsimula na ang concert. Buhay na buhay na ang audience Lalo na nang lumabas sa stage ang Phantom Band na binubuo ng limang tao na nakasuot ng maskara. Walang nakakaalam ng identity ng mga ito kaya napaka-mysterious. Hindi matatawaran ang galing ng grupo sa musika. They revolutionized the rock music in the Philippines. Mula sa mga kanta tungkol sa mga kabataan, pag-ibig, environment at pagmamahal sa bansa ay kinakanta ng mga ito. Ang kamangha-mangha pa, ninety percent ng kanta ng banda ay sa Filipino pero sumikat pa rin sa ibang bansa.
“Daredevil Phantom, I am your slaveeeeeee!” sigaw ni Jaime.
“Akala ko ba baduy at sawa ka na sa concert nila,” paalala ni Claribelle.
“Wala akong sinasabing ganon, ha?” pagde-deny ni Jaime. “Idol ko sila. Rock ‘n roll! Yeah!” 🤟
“Ikay yon!” sabi ni Vincent at itinuro ang monitor.
Natutop ni Claribelle ang bibig nang makitang siya ang ipino-focus sa malaking screen.
“Whoa! Si Pastillas Girl nandito rin,” bulungan ng mga tao.
“Iba na ang sikat,” sabi ni Warren.
“Reymart!” tilian ng mga audience.
Nang tumingin si Claribelle sa monitor ay parang tumigil ang mundo niya nang makita roon si Reymart na nakangiti habang nanonood ng concert. Nandoon din ang dating boyfriend. Nasa iisang lugar lang sila. Hinihinga din nito ang kaparehong hangin na hinihinga niya. Nakita siya nito kanina. Bumilis din ba ang tibok ng puso nito nang makita siya? Alam ba ni Reymart na pupunta siya roon? Nagbabaka-sakali ba itong makita siya? Parang magkasama na rin sila dahil pareho silang ipinakita sa screen. As if they were on a date. Pakiramdam niya ay abot-kamay na lang nila ang isa’t isa.
Naputol ang pag-iilusyon ni Claribelle nang lumabas sa screen si Darling, ang ka-love team ni Reymart. Maganda nga ang babae. Bagay kay Reymart. At lahat ng tao sa paligid nila ay ang pangalan ng dalawa ang itsini-cheer. Parang sindi ng kandila na hinipan ng hangin ang saya sa puso ni Claribelle. Iyon ang realidad. Si Darling ang kasama ni Reymart. At nasa kabilang bahagi ito ng concert ground. Ibang babae ang nasa tabi ng dating boyfriend. At ang pinakamasakit na katotohanan, kahit pa mahal niya si Reymart o mahal siya nito ay hindi rin naman sila masasabi iyon sa isa’t isa. Hindi na sila. Break na sila. Hindi na niya matatawag na kanya si Reymart.
Yumuko si Claribelle at hindi na naintindihan pa ang music mula sa banda o ang kasiyahan sa paligid. Naka-focus lang siya sa kahungkagan sa kanyang puso. Wala siyang ipinagkaiba sa isang fan. Hanggang ilusyon na lang siya kay Reymart. Wala na siyang pakialam kung pumapatak na ang kanyang mga luha.
(Ayoko na talagang masaktan. Gusto kong maging manhid na lang kahit na ipakita pa uli si Reymart kasama si Darling. Okay lang ako. Okay lang ako.)
Nagulat na lang si Claribelle nang biglang mag-vibrate ang cellphone niya. Sino naman itong panggulo na nambubulahaw sa pag-e-emote niya? Nang tignan ang cellphone ay isang text message ang...

natanggap niya galing kay Reymart.
📲 REYMART : Umaambon na. Baka nababasa ka na. 📲
Kumunot ang noo ni Claribelle at tumingala. Manaka-naka na nga ang ambon at dahil nasa open field sila ay mababasa sila kung sakaling bumuhos ang ulan.
📲 CLARIBELLE : Ano ngayon? Ambon lang naman iyan, reply niya. 📲
Bakit basta na lang nagte-text sa kanya si Reymart? At saan ba ito nakapwesto para makita ang mga galaw niya?
📲 REYMART : Wala ka bang jacket na may hood para hindi ka mabasa? 📲
📲 CLARIBELLE : Mainit kanina. Hindi na ako nagdala, reply uli ni Claribelle. 📲
Iniwan din nila ang mga payong sa van dahil kukumpiskahin lang ng security sa entrance. Wala naman sa isip nilang magdala ng raincoat.
📲 REYMART : Wala man lang ba sa mga manliligaw mo ang magpapasuot ng jacket sa iyo para hindi ka mabasa at magkasakit? Kaunting ambon pa mandin nagkakasakit ka na. Limang lalaki ang ka-date mo, wala man lang nagmamalasakit na protektahan ka? Umuwi ka na lang kung hindi ka nila kayang protektahan. 📲
Nilingon ni Claribelle ang mga kasama. Busy ang mga ito sa panonood ng concert at pagbi-video. They were having fun. Habang siya ay sinesermunan ng ex-boyfriend. Masakit mang tanggapin, iba pa ring mag-alaga si Reymart. Pero ano ba ang pakialam nito? May sarili naman itong ka-date.
📲 CLARIBELLE : Bakit di ka na lang mag-focus sa pag-aalaga sa Darling mo. Tutal siya naman ang ka-date mo, sagot niya. 📲
📲 REYMART : She has her own jacket. When I go out on dates, I got everything covered. Gusto mo bang pumunta ako diyan para turuan ang mga manliligaw mo kung paano magtrato ng date? Looks like they need a lesson from me.
📲 CLARIBELLE : Wag na. Iiwan mo pa ang date mo para sa akin? Nakakahiya naman. Kaya ko naman ang sarili ko, Reymart. Kaya ko kahit wala ka dahil madalas ka namang wala. 📲
Gusto sanang kiligin ni Claribelle sa pag-aalala ng dating boyfriend. Pero naiinis siya dahil kahit ano pa ang gawin nitong pag-aalala ay hindi naman mababago ang katotohanan na may kanya-kanya na silang buhay. Kahit mahal pa siya ni Reymart hanggang ngayun, hindi pa rin siya nito kayang panindigan.
📲 REYMART : Hinahamon mo ba talaga ako? 📲
Gusto sanang hamunin ni Claribelle si Reymart. Gusto niyang sabihin na ituloy ng lalaki ang pagpunta sa kanya. But that would be asking too much. Sa huli, ayaw niyang gumawa ng isang bagay na pagsisisihan din ni Reymart sa huli.
📲 CLARIBELLE : Stop it, Reymart. Wala kang karapatang turuan ang mga manliligaw ko kung ano ang dapat nilang gawin sa date namin dahil di ka rin naman perpektong boyfriend. At lalong wala ka nang karapatan sa akin ngayon. Just stop caring for me. 📲
Gaya ng wala na siyang karapatan pa sa dating boyfriend. At habang nag-aalala ito sa kanya ay lalo lang siyang napu-frustrate.
Nagsimulang lumaki ang patak ng ulan. Nakatitig lang si Claribelle sa cellphone habang hinihintay ang susunod na sagot ni Reymart. Akala niya ay hindi na ito sasagot pa.
📲 REYMART : Kung hindi ka nila kayang alagaan, ihatid ka na lang nila sa mansiyon. Magkakasakit ka pa sa ginagawa nila. Sarili lang nila ang iniisip nila. Huwag mong sabihin na isa sa mga iyan ang pipiliin mo? Di ka nila kayang alagaan. 📲
Nang bumuhos na ang ulan, naramdaman ni Claribelle ang pagkalabit ni Abegail. “Gusto mo bang bumalik na lang sa mansiyon? Mababasa ka dito.”
Tinignan ni Claribelle ang mga manliligaw. Parang wala namang pakialam ang mga ito kung mabasa siya. They were enjoying the moment. Huminga siya nang malalim. Kung magyayaya siyang umuwi gaya ng sinabi ni Reymart, parang ito ang nanalo.
(Siya naman talaga ang panalo. Napatunayan niya na walang makakapantay sa kanya sa mga manliligaw ko. Ni hindi ko man lang na-enjoy ang concert.)
Ngumiti si Claribelle at iniabot sa PA ang cellphone. “Pakitabi muna sa waterproof pouch mo. Nandito na kami kaya mag-e-enjoy na kami.”
“Pero mababasa ka at…..”
“This is how you party!” sabi niya at nakihalo sa mga kasama sa pakiki-rock and roll sa Phantom Band.
This was her night with the boys. Bakit naman siya magpapakalunod sa lungkot dahil sa ex-boyfriend niyang may ka-date na iba kung pwede naman siyang magpakasaya? Mabuti nga at umuulan; ayaw niyang makita ng iba na lumuluha ang kanyang puso. Tumawa si Claribelle, nakisaya at nakikanta habang nababasa ng malalaking patak ng ulan. Kailangan niyang maging matatag mula sa sakit. Kailangan niyang maging manhid. Dahil walang mangyayari kung patuloy siyang masasaktan dahil kay Reymart. Nandito ang mga kaibigan niya. Kung hindi man kayang pantayan ng mga ito ang pag-aalaga ni Reymart sa kanya, ang mga ito pa rin ang kasama niya.
“Buhatin niyo dito ang pinakaguwapong lalaki sa audience ngayon,” sabi ng bassist na si Mystical Phantom.
Nagtulakan ang mga kasama ni Claribelle.
“Ikaw na, Jaime. Ikaw naman ang guwapo, sabi mo,” kantiyaw ni Vincent.
“Ibagsak pa ako ng mga iyan,” sabi ni Jaime at humalukipkip.
“Akala ko ba matapang at cool ka. Go!” sabi ni Claribelle at bahagya pang itinulak ang lalaki.
Umiling si Jaime. “Malulula ako.”
At nagtawanan silang lahat. Noon lang nila nalaman na may weakness din pala ang binata. Hindi lang nila inaasahan na aaminin nito. Ibig sabihin, unti-unti nang napapalapit ang loob nito sa kanila.
“Crowd surf the prettiest girl in the crowd!” sigaw ng vocalist na si Daredevil Phantom makalipas ang ilang sandali.
“Si Pastillas Girl ang pinakamaganda!” sigaw ni Warren.
Nagulat na lang si Claribelle nang sabay-sabay siyang buhatin ng mga kasama at ipasa sa mga audience na nasa harap. Gusto niyang pumalag at tumutol pero natakot siyang baka may masaktan at nang masaklap ay ibagsak pa siya. Bahagya na lang siyang lumingon para makita kung may mapasasahan sa harap. Alam niyang hindi siya magaan. Exciting ang i-crowd surf pero nakakakaba rin. It was the ultimate rock concert experience. Nagdasal si Claribelle na sana ligtas siyang makarating sa stage kung saka-sakali at walang manghihipo o mananakit sa kanya na kadalasang nangyayari sa mga rock concert.
Dahil hindi rin gaanong gumagalaw si Claribelle ay nagsisimula na siyang lamigin. Patuloy pa rin kasi ang pagbuhos ng ulan. Gusto na lang niyang makarating sa stage para makagalaw-galaw uli at mabawasan ang nararamdamang lamig.
Nang sa wakas ay makarating sa barrier na nasa harap ng stage ay tumapak si Claribelle para makasampa sa entablado. May isang kamay na lumahad sa harap niya. Hinawakan niya iyon at tinanggap ang tulong nito. Nang mag-angat ng paningin ay muntik na siyang makabitaw nang makita kung sino ang umaalalay sa kanya——————–si Reymart. 😯