Laking gulat ni Jera ng makita roon ang lalakeng pinatakas niya.
.
Jeralene : Oh my God!!!Bakit nandiyan ka, anong ginagawa mo dito? Bakit diyan ka nagtatago? Baka makita ka ni Drake, mapapatay ka nun!!
.
Labis ang pagaalala ni Jera, kung nagkataon daw na malaman ni Drake na naroon ang lalake, mapapatay daw siya ni Drake.
.
Jojo : ssshhh..wag kang maingay baka marinig ka ng asawa mo.
Jeralene : nasa baba yun, at saka hindi ko asawa yun..(paliwanag agad niya)
Jojo : hindi ko kasi kayang umalis kagabi, hinang hina ako. May mga bantay sa gate, hindi ko pa kayang lumaban sa kanila, at saka hindi ko kayang lumangoy sa dagat, tiyak na mahuhuli nila ako, dahil nangangalog pa ang mga tuhod ko, ilang araw na akong hindi pinapakain(pilit na tumayo at lalabas sa cabinet)
Jeralene : huwag kang lumabas, kasi parehas tayong malilintikan kay drake pag nalaman na nandito ka sa kwarto ko. Diyan ka lang sa closet.
Jojo : kailangan ko ng tulong mo, nagugutom ako.
Jeralene : sige, gagawa ako ng paraan para makakuha ng pagkain mo, sige bababa na ako, at baka mainip si drake sa paghihintay sakin eh umakyat pa dito yun, basta wag kang lalabas diyan.
Jojo ; sige salamat.
.
At bumaba na nga si Jera, nagkaroon na naman siya ng alalahanin, buong akala niya ay nakalayo na ang lalakeng tinulungan niyang makawala sa pagkakadena, hindi naman pala at nandoon pa na kasama niya sa kwarto..
.
Jeralene : Diyos ko tulungan mo po ako, ilayo mo kami sa kapahamakang ito..(dasal niya habang pababa ng hagdan)
Drake : sweetheart, ok ka lang ba, bakit pa napapangiwi ka pa diyan at bakit napapapikit kapa??
.
Ngunit di niya napansin si Drake..
.
Drake : sweerheart!!(malakas na sabi)
Jeralene : Ay kalabaw!! (laking gulat niya ng nasa harap na pala niya si drake) ah eh, masakit kasi yong tiyan ko, mukang sinusumpong yong ulcer ko, pwede bang mamayang hapon nalang tayo mamasyal, gusto ko munang ipahinga itong nararamdaman ko.
Drake : ganun ba, sige pwede naman, ipacheck-up kaya natin yang tiyan mo, para makainum ka ng gamot.
Jeralene : ah, hindi na ikakain ko na lang ito ng marami saka ako iinum ng gatas, baka sakaling mawala din..siya nga pala pwedeng sa kwarto na lang ako kakain, para pagkakain ko, matutulog ako, okay lang ba?
Drake : oo naman.
Jeralene : salamat ha, pasensiya kana hindi tayo makakapamasyal.
Drake : ano bang gusto mong ulam mamaya, at bibili ako ng isda sa magsasariwa anong gusto mong isda? At ako na lang muna ang magluluto ng tanghalian natin.
Jeralene : ikaw na ang bahala, kahit ano okay lang sakin, sige kukuha na ako ng pagkain ko at gatas.
Drake : sige!
.
At mabilis na kumuha ng pagkain si Jera at nagtimpla ng isang basong gatas. At pumunta na sya agad sa kwarto. Pagkapasok niya sa kwarto ay inilock na agad niya ang pinto para hindi agad makakapasok si drake sa kwarto niya, at kinatok niya sa may cabinet si jojo.
.
Jeralene : lumabas ka na eto may pagkain na dito, kumain ka na.(mahinang sabi niya)
.
At agad lumabas si Jojo, kinuha na niya agad ang pagkain at ito ay kumain na, nakatingin lang si Jera sa gutom na gutom na lalake at malalaki ang subo at panay pa ang subo, tila galing sa giyera sa sobrang gutom.
.
Jeralene : delikado ang lagay mo dito, lalo na at nandito si drake, kahit wala na si George hindi ka pa din ligtas, pati ako mapapatay ni drake.
.
Jojo : pasensiya ka na pati ikaw nadamay, huwag kang mag-alala ilang araw lang naman akong magpapahinga dito aalis na din ako. Pwede ko bang mahiram yong celpon mo, makikitawag lang ako,.
Jeralene : diyan kita hindi matutulungan, wala sakin yong celpon ko na kay drake, buhat kasi nung dalin ako ni drake dito hindi na pinahawak yong bag ko sakin, nanduon yong celpon ko.
Jojo :(napatingin si Jojo kay Jera at nagtaka) ganun ba? Bakit naman? Kidnap victim ka din ba??
Jeralene : iba yong kaso namin ni Drake, magnobyo kami, nakipaghiwalay ako sa kanya, dahil sa nakikita kong ugali sa kanya. Ang idinahilan ko lang sa kanya na ayaw ko sa pambabalewala niya kaya ako nakipagkalas sa kanya, nakakatakot kasi yong ugali niya moody. Minsan malambing, minsan naman mainitin ang ulo, pala-away..kaya sa galit niya ng makipagkalas ako sa kanya, heto ako, nandito sa kung saang lupalop. ginagamitan ko lang siya ng diplomasya para hindi ituloy ang masamang balak sakin, kaya ito ako hindi ko din alam kung paano ko siya matatakasan, kung sakaling hindi ko siya matakasan talagang ganun, kailangan kong tanggapin na makasal na lang sa kanya..pero sabi naman niya pag nakasal kami. Babaguhin na niya ang ugali niya,(malunglot niyang sabi)
Jojo : (nakadama din ng awa si Jojo sa babae) ganun ba? Nakakasiguro ka ba na pag nagpakasal kayo eh babaguhin niya yong ugali niya?
Jeralene : (hindi agad nakakibo, nagkibit balikat lang) E-ewan ko, sana!! Saka ko na iisipin yun, ikaw ang problema, kailangang lumakas ka agad at yang mga sugat mo, kailangang malinis yan, baka maimpeksiyon yan..
Jojo : (napabuntong hininga nalang) sobrang mapanganib ang mga angkan niyan.. salamat at napakabuti mo..utang ko sayo ang buhay ko..hanga ako sa katapangan mo..
Jeralene ; wala yun..hanggang sa abot ng aking makakaya tutulong ako sa mga nangangailangan ng tulong,.basta siguraduhin mong pag nasa loob ka ng cabinet at pag nandito si Drake ay hindi ka gagawa ng ingay.
Jojo : oo salamat!!(at tuloy padin sa pagkain)
.
Nakamasid lang ang dalaga sa binata, at kahit na puno ng pasa sa mukha at mata ng binata ay naaaninag parin ang simpatikong anyo, may gwapong itsura din ito, kung hindi lang ito bahagyang pumayat dahil sa pahirap sa kanya, ay may kakisigan din ang binata.
.
Jeralene : siya nga pala, may banyo dito. Pwede kang maligo, kung gusto mo, sisimple nalang ako ng kuha sa damit ni drake mamaya, at yayayain kong mamasyal si Drake para makakilos ka ng maayos dito.
Jojo : sige mas maganda yan, pero...

mag-iingat ka at baka mahalata ka.
Jeralene : oo sige!!
.
Samantalang sa boarding house ni Jeralene.
.
Maelyn : manang ano na po kaya ang nangyari dun sa kaibigan ko, bakit hindi pumapasok..(tanong niya sa landlady ni jeralene)
Celia : oo nga, dati dati nagpalaalam yun kung gagabihin siya, at kung sa iyo pupunta na matutulog, ano kaya kung tawagan mo yong mga magulang niya..baka naman umuwi.
Maelyn : naku hindi po siguro uuwi yun, alam naman po niya na may trabaho pa siya.
Celia : oo nga pala, magpapaalam naman sakin yun kung uuwi siya, ano nga kaya ang nagyari dun sa bata na yun!!
Maelyn ; pinaka maganda nga po tawagan ko nalang yong mga magulang niya.
Celia : mabuti pa nga!!
,
At dinial ni Mae ang number ng mama ni Jera, at gimbal siya sa narinig sa nanay nito na hindi umuwi doon, may nangyari ngang masama sa kaibigan niya.
.
Samantalang sa bahay naman nila Jera.
.
Cristy : Ronald yong anak mo, nawawala daw..(sabi sa asawa)
Ronald : Ano? Nawawala si Jeralene?
Cristy : oo yong anak mo nawawala (umiiyak niyang sabi)
Ronald ; e baka nagpunta lang iyon sa kaibigan niya.
Cristy : si Maelyn nga ang nagsabi na nawawala yong anak mo, at hindi nga pumapasok sa trabaho, at hindi pa daw umuuwi sa boarding haus niya.
.
Natigilan ang ama ni Jeralene.. at siya namang pagdating ng nakababatang kapatid ni Jeralene na lalake ang sumunod sa kanya at meron pa siyang isang kapatid bunsong kapatid na babae naman.
.
Jomel ; ano pong nangyari kay ate mama?
Jennifer ; kuya nawawala daw ang ate.
Jomel : ano, paanong nawawala?
Celia ; tumawag ang ate Mae mo, hindi daw pumapasok yong ate mo sa bangko na pinagtatrabahuhan nila. At hindi pa daw umuuwi sa bording haus, hindi naman ugali ng ate mo yun, kaya pala hindi sakin nagtetext, ang akala ko busy lang.
Jennifer : kuya nasan na kaya ang ate.
Jomel : mama papa, magli-leave muna ako sa trabaho, hahanapin ko si Ate, luluwas muna ako ng Manila, at magtatanong tanong ako.
Celia : sige anak, hanapin mo yong ate mo.
Ronald : ako din hahanapin ko si Jeralene!
Jomel : wag na po papa, ako na ang bahala. Hihingi ako ng tulong kay Sherwin na kaibigan kong pulis na nakadistino doon..at saka hindi pa masyadong magaling yong highblood mo, mama wag ka muna masyadong mag-alala, baka pati kayo kung mapano, mahahanap din po natin ang ate.
Celia : o sige anak, hanapin mo yong ate mo.
Ronald : salamat anak!! Mag-iingat ka anak.
Jomel : opo papa, sige po at luluwas na ako, dun po muna ako sa bording haus ni ate tutuloy..
Jennifer : kuya ingat!
Jomel : salamat !
.
At nag-impake na si Jomel ng gamit upang pumunta na ng manila.
.
Samantalang sa mga sandaling iyon ay bumaba na si Jeralene, para ayain na niya si drake na mamasyal..habang abala si Drake sa labas at may inaayos sa bangka na gagamitin nilang mamasyal ay sinamantala ni Jeralene ang pagkakataon na makakuha ng damit ni Drake na isusuot ni Jojo, at nang makakuha ay agad na ibinigay kay jojo. At agad ng nagpunta kay drake at inaya ng mamasyal ito.
.
Drake : okay ka na ba?
Jeralene : okay na, kung gusto mo nang mamasyal tara na.
Drake : sigurado ka ba?
Jeralene : oo naman, nakakainip na kasi dito, nga pala, nasaan ba ang celpon ko at tatawagan ko lang si Mae, at hihingi ako ng bakasyon sa boss ko at—-(hindi natuloy ang sasabihin)
Drake : hindi!!!( sigaw niyang sabi)
Jeralene : Drake, bakit ka nagagalit?
Drake : bakit ako nagagalit? Bakit ka pa tatawag kay Mae, diba sabi ko sayo magresign ka na sa trabaho mo.dahil magpapakasal na tayo..ano pang dahilan at mageexplain ka pa sa boss mo. Kahit ba sisantihin ka sa trabaho mo eh.
Jeralene : kasi naman sayang din naman yo—-(hindi natuloy ang sasabihin)
Drake : Tama na,!! ayokong tumawag ka kanit na kanino pa (angil nito)
.
Napalunok na lang si Jera sa takot, pero hindi siya nagpahalata na nasisindak siya dito.
.
Jeralene : kung ayaw mo di Huwag. Wag kang nagagalit, hmmp.(napahalukipkip ito)
.
Yong ganung ugali ni Drake ang ayaw ni Jeralene, masyadong temperamental ito, laging naka-angil pag may hindi nagustuhan, ang inaalala pa niya baka pag magasawa na sila pag nagalit ito sa kanya ay pagbuhatan na siya ng kamay, napaka moody na tao.
.
Drake : hindi naman ako nagagalit, nag-aalala lang kasi ako na baka—–
Jeralene : hindi ka pa rin naniniwala na magpapakasal ako sayo, (gagamitan na naman niya ng reverse psycology) kung gusto mo bumalik na tayo at magpakasal na tayo agad (ganting sigaw nito,at agad na tumalikod kay drake)
.
Ikinubli ang mukha kay drake para hindi mahalata sa mukha niya ang takot, Bumuntong hininga nalang si drake..at lumapit sa dalaga, yumakap ito sa mula sa likod ng dalaga.
.
Drake : sorry na, mamasyal na lang tayo.(sinuyo ang dalaga,hinalikan ang buhok nito)
.
Napangiwi ang dalaga, ayaw niya yong mga lambing ni Drake, pero kailangan niyang gawin na magpanggap para sa kaligtasan niya, dahil may mga magulang at kapatid siyang masasaktan kung sakaling may mangyaring masama sa kanya..kaya hanggat kaya niyang paikutin si Drake ay gagawin niya, dahil ito sa kaligtasan niya, hindi niya kayang labanan si Drake ng pisikal kaya dinadaan niya sa reverse psycology..mula sa bintana ay kita ni Jojo ang pangyayari na yun, hindi daw magiging mabuting asawa ang lalake na yun, at parang may kirot sa dibdib ni Jojo ng makita niyang yakap ng lalakeng iyon si Jeralene. Merong panghihinayang nakapa sa dibdib ni Jojo, at hanggang sa tuluyan na ngang umalis sila drake at Jeralene, upang mamasyal..
.
Ano kaya ang kahahantungan ng pagtulong ni Jera kay Jojo?
.
Abangan po..
.
Maraming salamat po sa muling pagsuporta sa aking kwento, sana po ay nagustuhan ninyo ang kwento ni Jera at Jojo, na medyo nakakakaba ang mga senaryo, at mas pakakabugin ko ang inyong puso sa kaba sa mga susunod na kabanata..😅😅