TUWING umuulan kasabay ng araw, sabi nila ay may ikinakasal na fox. Iyon daw ang paraan ng langit, para makibahagi sa pag-iisang dibdib ng dalawang nagmamahalan.

Nakakatuwa dahil sa araw ng kasal ko, may kasabay akong ikinakasal din. Ang kaibahan nga lang, hindi ako isang fox.

Ako si Elly. Simple lang naman ang pangarap...

ko. Gusto kong maging isang sikat na fashion designer pero mukhang sa estado ng buhay ko, hindi yata ako makakarating sa rurok ng pangarap na ‘yon. At gaya marahil ng iba, mamamatay na yata akong isang mahirap at walang narating sa buhay. Isang kahig isang tuka na minamaliit ng kung sinu-sino.