Written by : @Pandameme
Genre : Drama, Romance
Status : COMPLETED (CHAPTER 1-24)
* * * K A B A N A T A 1 * * *
Si JESSA… Ang labing walong taong gulang na dalagang pinupuri sa taglay na kagandahan. Ang balingkinitan nitong katawan, katamtamang laki ng pwet at perpektong hulma ng mga dibdib, dagdag pa ang katangkaran nitong 5’6. Ang kutis nitong makinis at maputi. Buhok na makintab, straight at hanggang baywang. At ang mukha nitong maliit, matangos na ilong, tamang laki ng mga mata na may katarayan sa bawat pagtitig nito, mga labing maninipis at hugis-puso. Ganoon ka-perpekto ang kabuuan ni Jessa. Para siyang modelo. At sa unang tingin ay mapapalingon ka talaga sa mala-dyosa nitong mukha at aura. Kaya naman, naging bukambibig ng mga tao si Jessa. Lalo na ng mga kalalakihang ibig na mapalapit sa kanya.
Maykaya ang pamilya ni Jessa. May sasakyan at malaking bahay. Lahat ng luho niya tulad ng mamahaling cellphone ay nakukuha niya nang ‘di kailangang ipilit. Nag-aaral na siya sa isang mamahaling unibersidad bilang Senior High. At doon lalong pinag-usapan ang taglay na kagandahan ni Jessa. Lalong dumarami ang mga humahanga sa kanya, higit na ang mga naninibugho sa kagandahan niya. Ngunit walang pakialam si Jessa. At ang motto niya ay, ‘Mamatay na ang mainggit!’
UMAGA. Sunod-sunod ang mga text messages na natatanggap ng dalaga. Hindi pa sana siya didilat ngunit naaalibadbaran na ang kanyang pandinig kaya pinilit niyang buksan ang cellphone at tingnan ang mga text messages na nasa inbox. 590 unread messages. Hindi na nagulat pa si Jessa. Iyon lagi ang bumubungad sa kanya tuwing umaga. Buti’t mamahaling brand ang cellphone niya kaya hindi nagha-hang.
Diretso niya itong idinelete. Alam na niya ang mga nakalagay doon. Mga lalake at babaeng kaibigan at kakilala niya, nag-go-goodmorning sa kanya.
Bigla ay tumunog ang phone niya. Nag-alangan siyang i-dicline dahil galing iyon kay Vince, ang MVP at heartthrob ng Campus nila. Nanliligaw ito sa kanya. At hindi sa anupaman, ibig na niya itong sagutin.
“Hello? Dyosa, ay este, Jessa. Good morning…” malambing na bungad ni Vince mula sa kabilang linya.
Napahagikhik si Jessa. Hindi niya iyon inilihim.
“Good morning, off to school?” tanong niya.
“Yeah. And I’ve brought you flowers and chocolates. Can’t wait to see you, babe.”
Muling napahagikhik si Jessa. Napaka-sweet talaga ng manliligaw niya.
“Okay. See you.”
Saka na naputol ang tawag. Bumangon na rin si Jessa at naghanda na sa pagpasok sa eskwela.
SIX THIRTY nang makarating si Jessa sa school sakay ng kotse ng daddy niya. Ihahatid lang siya nito at didiretso na ito sa trabaho.
“Have a nice day, anak,” anang daddy niya nang ihinto ang sasakyan sa tapat ng gate.
“Thanks, dad. Ikaw din,” aniya saka humalik sa pisngi ng ama.
Pagkapasok ni Jessa sa gate ay kaagad siyang binati ng mga estudyante. Sikat na sikat siya at lahat ay nakangiti sa kanya. May mga pumupuri din ng kagandahan niya.
Hinahanap ng kanyang mata ang matangkad at gwapong si Vince. Ngunit hanggang sa makapasok siya sa silid-aralan ay ‘di niya ito nakita. Nasa kabilang section lang si Vince at ayaw naman niyang siya pa ang sumadya doon, ano. Kahit papaano marunong siyang magpakipot. At alam niya ring all eyes sa kanya ang lahat ng mga estudyante sa campus kaya kailangan niyang maging mapagmataas. Na kung titingnan siya ay ‘di basta-basta maaabot ng kahit sino.
“Good morning, class,” bati ng guro nilang si Ms. Benitez na pumunta na sa desk nito sa unahan.
“Good morning ma’am,” tugon naman ng mga estudyante na ‘di na nag-abalang tumayo.
“Midterm na natin kaya get ready for the upcoming exam, class. Anyway, last time, we tackle about—”
“Excuse me, ma’am…”
Putol ng isang lalake sa diskusyon ng guro. Nakatayo ito sa harap ng pinto na nang mabistahan nila kung sino ay kaagad umugong ang tuksuhan sa loob ng klase.
“Hey, Jess…”
Pabulong na tawag ng seatmate ni Jessa na siniko pa siya para lamang matawag ang pansin niya.
Abala kasi noon si Jessa sa paggamit ng phone. Tinitingnan nito kung magtext si Vince pero wala siyang natanggap na mensahe simula pa ng pagdating niya sa campus.
“Oh, Mr. Villegas, what is it?” anang guro.
Kaagad napatanaw si Jessa sa guro. Mr. Villegas ang apelyido ni Vince. Hindi kaya’y…
Pumasok si Vince na may dalang balloons, imported na chocolate na nakasilid sa heart-shape na lalagyan, at bouquet ng red roses. Napakagwapo ng lalake sa porma nito ngayon. Nakasuot ito ng jersey jacket at hapit na pantalong maong. Kung titingnan ito ay napakalinis at napakabango.
Lalong nagsitilian ang mga kababaihan, maging mga kalalakihan ay nagkakantyawan na rin.
Umabante ng lakad si Vince papunta sa kinaroroonan ni Jessa. Hindi makapaniwala ang babae ngunit hindi siya nagpapahalata. Kaswal lang ang pagkakangiti niya. Tipong ‘di mo matukoy kung natutuwa ba o okay lang.
“I thought your not gonna see me,” ani Jessa.
“That won’t happen. Your the most special woman that I won’t resist. Babe, this is for you…”
Saka inabot ang balloons, chocolates at red roses. Napuno ng nakakabinging tilian ang klase. Maging ang bintana at pintuan ay nagsiksikan sa mga estudyante ng kabilang section na nais makasaksi sa nakakakilig na tagpong iyon.
“That’s enough!” sigaw ni Ms. Benitez. “Mr. Villegas, please go back to your room. Inaabala mo ang aming klase. Kayo mga chismosa kayo! Go back to your room now!”
Nag-uunahan na sa pagtakbo ang mga estudyanteng nakikisawsaw sa pagtitilian ng section ng guro. Si Vince naman ay tila walang narinig at patuloy pa rin sa pagtitig sa magandang dilag.
“Mr. Vince Villegas! Do you want me to report you to the Head for your improper manner of interrupting my class?” galit nang saad ng guro.
“I’ll call you…” pahabol pa ni Vince bago na tuluyang lumakad palabas ng classroom.
“Okay, class,...

let’s continue…”
“Palibhasa kasi matandang dalaga kaya KJ,” bulong pa ng seatmate ni Jessa sa kanya.
PAGKATAPOS noon ay lagi nang may hatid na sorpresa si Vince para sa dalaga. Kung ‘di man balloons, chocolates o red roses, nagdadala ito ng gitara at sasalubungin si Jessa ng harana. Lalong naging maugong ang pangalan ni Jessa maging sa kabilang campus. Naging curious sila sa kagandahang taglay ng babae at kung sasadyain sa campus nito at makita na nga sa personal si Jessa ay basta na lang matatameme. Hihingi agad ng number nito. At lalo namang darami ang magtetext kay Jessa na aabot na ng isang libo at mahigit. May ilan pang multiple text para lang magpapansin. Babalewalain naman iyon ng snob na dalaga at idedelete din kaagad. Matapang siyang babae. At kahit na ano pa mang pagsubok ang darating sa buhay niya dahil sa katangi-tanging ganda, ay kaya niyang lagpasan. Siya ang babaeng ‘di basta-basta matitibag.
ISANG UMAGA, karaniwang araw ni Jessa sa campus.
Naglalakad siya noon sa hallway kasama ng mga kaibigan nang makasalubong ang grupo ni Bridget Samonte. Classmate ni Vince at numero unong naninibugho sa anong mayroon kay Jessa— ganda, yaman, atensyon. Ilang beses ding nais lumapit nito kay Jessa ngunit sadyang ayaw ng dalaga sa mga nagngingitngit ang budhi dahil sa inggit, kaya naman snob lang ang natatanggap nito.
“Hi Jess!” Bati ni Bridget na nakipagbeso-beso pa.
“Yeah,” wala sa mood na tugon ni Jessa.
“Why so unlively ba ng reply mo. Anyways, Vince said na pumunta ka raw sa covered court mamaya after P.E. He wants to talk to you,”
“He didn’t tell me. I won’t go,” ani Jessa na magpapatuloy na sana sa paglakad.
“You must!” Pilit ni Bridget na hinawan na ang braso ni Jessa.
“And why?” taas-kilay niyang tanong.
“Oh! B-because—”
“Because it’s our legit date today, babe,”
Napatingin ang mga naroon sa pinaggalingan ng tinig— si Vince!
Lumapit ang lalake sa kanila. Nakapako agad ang malagkit na tingin nito kay Jessa.
“Please go. Malulungkot ako if your gonna ignore my invitation,” masuyo nitong hiling.
Saglit pang nabitin sa ere ang sagot ni Jessa. Kabado na si Vince pati na rin ang mga naroroon.
“Okay…” kaswal na tugon ni Jessa.
“Yes!”
Napasuntok sa ere si Vince na parang nanalo sa laro ng basketball. Nag-cheer naman ang mga kasama ni Bridget at ang kaibigan ni Jessa.
“See you later. Girls, let’s go,” ani Jessa.
Ngunit inilahad ni Vince ang kamay at bahagyang yumukod.
“Let me do the honor for my beautiful princess. I’ll escort you to your room,”
At sabay na silang umalis.
Inihatid ng tingin ni Bridget ang dalaga. Nagkibit-balikat ito saka napahagikhik ng mahina.
“BINGO!”
Pagkatapos ng P.E. at makapag-shower at makapagbihis ay pumunta na si Jessa sa covered court na pinagkasunduan nila ni Vince na lugar kung saan sila magtatagpo. Kabado na siya ngunit hindi kita sa mukha. Balak na niyang sagutin si Vince ngayon. Kapag nagkataon, ang lalake ang kanyang first boyfriend.
Pagkapasok ng court ay kaagad sumalubong ang hiyawan ng mga estudyante. Napakadaming nakaupo sa bench! Halos okupado ang mga upuan. Na para bang laro sa championship.
Nang marating ni Jessa ang gilid ng court ay nagsimulang magsayawan ang mga cheerleader. Hataw ang ipinakitang performance ng mga ito. Nang matapos ay binigyang daan nila si Vince na may dalang wireless microphone. Nagsimula itong kumanta habang palapit sa kanya.
“You’re my peace of mind in this crazy world
You’re everything I’ve tried to find,
Your love is a pearl
You’re my Mona Lisa, you’re my rainbow skies
And my only prayer is that you realize
You’ll always be beautiful in my eyes…”
Nakakabingi ang hiyawan ng mga estudyante sa pagkanta ni Vince ng ‘Beautiful in My Eyes’ ni Joshua Kadison para kaya Jessa. Nang matapos ang harana, lumuhod ang lalake sa harap niya.
“I promise you forever, ms. Jenessa Sarraphine Salgado. Be mine,” deklara ni Vince ng pag-ibig nito.
Lalo pang nagkakagulo ang mga estudyanteng sumaksi doon. Mabutas na ang mga tonsils nila sa kakasigaw ngunit ‘di nito mapapantayan ang nakakabinging pintig ng puso ngayon ni Jessa. Ngayon lamang siya nakatanggap ng ganito kalaking sorpresa mula sa isang lalake. Special na siyang babae at lalo pa niyang napatunayan sa sariling higit pa pala siya sa special. Pakiramdam niya isa siyang tunay na prinsesa.
Hinihintay nila ang pinakaaasam na sagot ni Jessa. Kaya nagkokoro ang lahat ng ‘sasagot na ‘yan’ upang hindi na makatanggi pa si Jessa.
“YES!” sagot ng dalaga.
Hiyawan at tilian. Dahil sa tuwa ay naglululundag si Vince at niyakap ng kayhigpit si Jessa. Umangat ang kamay nito upang tugunin ang yakap na iyon.
Maya maya ay nag-mic si Vince. Nakayakap pa siya sa babae.
“Babe, bola ka ba?”
Kumalas na si Jessa at buong akala’y isa na naman ito sa pakulo ng kasintahan na niya.
“Bakit?”
Napangiti si Vince. Iyong ngiti na nakakaloko. “Andali mo kasing mabola eh.”
Doon natigil ang hiyawan at tilian. Nagkatinginan ang mga ito ngunit malinaw nilang narinig ang sinabi ni Vince dahil nakapalibot sa buong court ang amplifier. Anong ibig sabihin nito? Na isa lang biro ang lahat?
Napatawa si Jessa. Tila napapantastikuhan. Ngunit nasa mukha nito ang tila hindi apektado.
Inagaw niya mula sa kamay ni Vince ang mic.
“Vince, bola ka ba?” panumbalik nitong tanong.
Alangan na binawi ni Vince ang mic. Napalis na ang ngiti nito.
“B-bakit?”
At muling ibinalik ni Jessa ang mic sa tapat ng bibig.
“Ansarap mo kasing i-dribble at i-shoot sa ring. May 3-points ka sa akin…”
Saka sinampal ng ubod lakas ni Jessa ang pagmumukha ng binata. Tatlong beses sa kabilaang pisngi saka itinapon ang mic na umecho sa loob ng court. Nagtakip ng tainga ang lahat at nakita na lamang nila si Jessa na palabas ng pinto. Nasa mukha nito ang walang emosyon.
( ToBeContinued…)