“May kinalaman ba ang anak ko sa pag-iyak mo, Candace. Tell me, ako mismo ang pi-pingol sa tainga niya.” Biro ni Ma’am Elyneia. Alam kong gusto niya lang pagaanin ang nararamdaman ko.
“Wala po,”
Dinala ako ni Travis dito sa bahay nila. Si Ma’am Elyneia ang nagbukas ng pintuan. Nagulat pa ito ng makitang kasama ako ni Travis, but she warmly welcomed me inside.
Sandali munang nagpaalam sa akin si Travis at pumanhik siya sa itaas. Naiwan kami ni Ma’am Elyneia dito sa sala nila. I was wondering where is Lola Tinay, matagal ko na din siyang hindi nakikita.
“I like you for my son, Candace.” saad niya na ikinabigla ko.
I swallowed the imaginary lump in my throat.
Iniiwasan kong salubungin ang tingin niya. “I’m sorry, Ma’am.”
Kumunot ang noo niya.
“Ako na ang humihingi ng tawad… para kay Mama… for judging your son. I’m sorry if she doesn’t know what she’s saying. Higit kanino man ay kayo po ang nakakakilala kay Travis.”
Ikinulong niya ang dalawang palad ko ng kamay niya.
“Let me tell you a story.” hindi nakaligtas sa paningin ko ang lungkot na gumuhit sa mata niya.
“I was in your shoes, too. I also felt that pain. Sabi nga ng karamihan, parte ng masaktan ‘pag nagmahal ka,”
“Kilala ko na si Linus simula pa lang, the playboy in town they called him that. Pero sa kabila ng papalit-palit ng babae. Hindi iyon naging hadlang para mahulog ako sa kanya. I fell in love with him secretly.” then, she smiled. May kakaibang ningning sa mata niyang iyon.
“So, there, hanggang sa napansin niya ako at niligawan. We were so in love that time. And, of course, until now. Nakita kong unti-unti siyang nagbago. Until he offered me marriage which I immediately accepted. That’s the magic of love. Alalay ka ng puso at isip. At mas lalong naging masaya pa ang pagsasama namin nang dumating sa buhay namin si Travis. That time, wala na akong mahihiling pa.”
Nararamdaman ko ang saya niya habang kini-kwento niya mga iyon.
“Our son got his father’s physical look. Kaya hindi na ako magtataka kung bakit nakuha niya ang atensiyon mo no’ng una.”
I smiled, dahil iyon ang totoo.
“Buong akala ko walang makakasira sa pamilyang binuo namin ni Linus. Hanggang sa dumating si Lucy, ex-girlfriend ni Linus na kahit kasal na kami’y hindi pa rin tinitigilan ang asawa ko ngunit hindi na pinapansin ni Linus, confessing she’s carrying Linus’s child…”
“Ako lang ang nasa bahay noon, wala ang mag-ama ko. Wala akong ibang maisip kundi si Travis… ayokong masira sa paningin ni Travis ang ama niya…. ayokong masira ang pamilya ko. Kaya ginawa ko ang desisyong maraming taon kong kinimkim ang sakit. I gave her money, kabayaran ng pagtikom ng bibig niya.”
“Ang masayang pamilya meron kami’y may nakatagong isang lihim na magpapasira dito. Kaya tiniis ko ‘yon, Candace, lahat ng sakit para lang protektahan ito. Pero ika nga nila walang lihim na hindi nabubunyag.”
I don’t know what to say. Nararamdaman ko ang sakit niya.
“I learned how to forgive, hija. Ang pinagsisihan ko lang noon ay pinagkait ko kay Keith ang pagiging ama ni Linus sa kanya. At hindi kinikilala nina Travis si Keith ang isa’t-isa bilang magkapatid sa maagang panahon.” mabilis niyang pinahid ang luhang dumaloy sa kanyang pisngi.
Her grip in my hand tightened. At masuyong ngumiti sa kabila ng pag-luha.
“Our family is not perfect…. My son is not perfect. Ako na ang nakikiusap, kahit ano man bagyo ang darating sa buhay ng pagsasama niyo ng anak ko, huwag mo siyang susukuan. Huwag mo siyang bibitawan. Hold him close, Candace.”
“Mahal ko po ang anak niyo, Ma’am. Hindi ko na siya tatalikuran ulit. Ipaglalaban ko na siya hanggang maubos ako.” I said.
Nagising ako nung sumisilip na ang sinag ng araw sa bintana. Ngayon ko lang napagtuunan nang pansin ang kwartong ibinigay ni Ma’am Eleyneia, nag-iisang guest room sa ikalawang palapag ng bahay nila.
Simple lang. Puti ang pintura sa bawat sulok ng silid, wooden floor, may kalakihang cabinet, may maliit na mesa sa tabi ng kama, at may sariling banyo.
Pagkatapos ng pag-uusap namin ni Ma’am Elyneia kagabi ay sakto naman bumaba ng hagdan si Travis at inaaya na akong magpahinga na. Hindi na siya nagtanong muli pa no’n, at pinagpasalamat ko naman dahil hindi ko alam kung masasabi ko agad sa kanya ang tungkol sa pag-iyak ko…. ang paratang ni Mama sa kanya.
Silently, hinayaan niya akong matulog sa bisig niya. Naalimpungatan ako no’ng maingat niyang ihiga ang ulo ko sa unan, ayusin ang kumot sa katawan ko, at masuyong hinalikan sa labi at noo ko.
He whispered, “I love you.” Then, he exited.
Bagong araw na pero ‘yong isip ko aktibo pa rin sa mga nangyari kagabi. Masakit pa rin sa akin ang mga nalaman ko na ang sarili kong ina ang may kagagawan lahat noon.
She used her money to destroy my heart… my happiness. Para lang sa sarili niyang pinaniniwalaan.
I felt hurt and betrayed sa mga taong malapit sa puso ko. Ang mas masakit ay sarili kong ina ang may pakana ng lahat.
I heard a knock outside the room, followed by Travis’ deep voice.
“Come in,” namamaos pa ang tinig ko galing sa pag-iyak kagabi.
Kumalas hanggang baywang ko ang malambot at puting kumot nung umupo ako.
Lumapit si Travis sa akin, bahagyang umuga ang kama ng umupo siya sa harapan ko. Bagong ligo siya. His fresh scent filled my nostrils.
Mabilis kong tinakpan ang mukha ko ng kumot. Of course, after crying out loud last night, even without mirror. Nai-imagine ko na kung ano’ng itsura ko ngayon. Namumugto ang mata ko at sabog pa ang buhok ko.
Lihim akong napamura.
“I already saw you,” naramdaman kong hinawakan...