DELLA SELLA: UNWANTED LOVE
(Series One)
AUTHOR REYN
CHAPTER EIGHTEEN
Pagdating ni Bryan ay deretso siya sa kusina, tinignan ang laman ng refrigerator at ilinabas ang pwede niyang iluto at inumpisahan na iyon. Habang nagluluto ay panay ang tingin niya sa cellphone niya at umaasang tataway si Trisha. Panay din ang lingon niya sa pintuan ng kusina nagbabakasakaling nandoon na ang hinihintay.
-Hindi pa kaya niya nababasa? Ano kayang reaksiyon niya ngayon?- tanong ni Bryan sa isip niya.
Pagkatapos niyang nagluto ay naligo na din siya, binilisan na niya ang pagligo at saka inayos ang pagkain sa baonan upang dalhin na sa ospital. Habang ilinalagay niya ang mga ito sa lunch bag ay narinig niyang bumukas ang pinto, at isinara iyon ng pabalibag.
Napahinto siya at linukob ng kaba ang puso niya, alam niyang si Trisha na iyon. Halatang galit dahil sa mabibigat na yabag na naririnig niyang palapit sa kinaroroonan niya. Pinakalma niya ang kanyang sarili at pinipilit na ngumiti.
“Sweetheart andi. . .”, hindi na naituloy ni Bryan ang sinabi dahil pakaharap niya kay Trisha ay isang malakas na sampal ang sumalubong sa kanya. Tumingin siya ulit kay Trisha pero malakas na sampal na naman ang natamo niya.
“Hindi ka nasasaktan? Ang kapal talaga ng mukha mo!”, singhal ni Trisha na noon ay masakit na ang tingin kay Bryan.
Hindi nagsalita si Bryan, nakayuko lamang ito at pinapakinggan si Trisha. Hindi siya makatingin ng deretso sa mga mata ng kaharap dahil sa guilt na nararamdaman.
“Bakit mo nagawa sakin yun Bryan bakit? Sumagot ka!”, umiiyak ng tanong ni Trisha.
“Dahil mahal kita Trisha”
“Mahal? Hindi pagmamahal yun Bryan, kung mahal mo ako sana hindi mo sinamantala ang kalasingan ko!”
“Sinubukan kong pigilan ang sarili ko, but my heart always said that I love you. At nasaktan ako noong nalaman kong kayo na ni Leo. Nagawa ko yun dahil gusto ko mapasakin na kita”
“That’s not a valid reason, sinungaling! Hindi ka ba sinisingil ng konsensya mo hah! May lakas ng loob ka pang pumasok sa pamamahay ko at kunin ang loob namin ng anak ko!”
“Would you please believe me Trisha, humahanap lang ako ng good timing noon pero nakalimutan ko na iyon dahil nakatotok ang atensyon ko sa inyo ni Brayll. Trisha maniwala ka malinis ang intensyon ko, makinig ka naman sakin oh”
“Wala na akong dapat pakinggan pa Bryan. Kinamumuhian kita, pinagsisisihan ko na nakilala pa kita! Pinagsisisihan ko nagkita ulit tayo, pinagsisisihan ko na pinapasok kita sa buhay at sa puso ko, umalis kana!”
Sa mga huling narinig ni Bryan ay natigilan siya, ngayon nangyari na nga ang kinatatakutan niya. Pinapaalis na siya ng babaeng mahal niya, sa ikatlong pagkakataon ay mawawala na naman sa kanya ang babaeng mahal niya. Pati na rin ang anak niya, ito na ba ang kabayaran sa nagawa niya?
“Pakiusap naman Trisha, mahal ko kayo ng anak natin”, pagsusumamo ni Bryan at unti-unti ng umaagos ang luha sa mga mata niya.
“I Unwanted this kind of love Bryan. Kahit kailan hindi mo na kami malalapitan, umalis kana! umalis kana!”, sigaw ni Trisha habang umiiyak.
Pero hindi umalis si Bryan kung kaya si Trisha na ang tumalikod upang umalis. Pero mabilis na yinakap ni Bryan si Trisha habang nakatalikod ito. Nagpupumiglas si Trisha pero mas malakas ang mga bisig ni Bryan na nakapulupot sa baywang nito.
“Can you please let me hug you for the last time. Pangako hindi na ako...