DELLA SELLA: UNWANTED LOVE
(Series One)
AUTHOR REYN
CHAPTER FOURTEEN
Pinakalma ni Trisha ang sarili niya ng biglang pumasok ang dalawang lalaki sa office niya.
“What are you doing here?, sino kayo hah?”, gulat na wika ni Trisha.
“Ma’am ok lang po ba kayo may ginawa bang masama si Leo?”, ang wika ng isang lalaki.
“Kilala niyo yung lalaking yun? sino ba kayo?”, sigaw na ni Trisha.
“Mr. Della Sella hired us para bantayan kayo ma’am. Alam na din niya na galing dito si Leo kaya papunta na siya dito”,
-Ano bang nangyayari? bakit hindi sinabi ni Bryan ang tungkol dito? Pinapabantayan pala niya ako bakit kailangan niyang ilihim ito? Bakit may bodyguard ako?- tanong ni Trisha sa sarili.
Inayos na niya ang sarili, pupuntahan niya ang doctor na nagayos ng DNA nila Bryan at Brayll. Iyon na nalamang ang tanging paraan para mapatunayan na nagsisinungaling si Leo. At para alam na niya kung sino talaga sa kanilang dalawa ni Bryan.
Dinampot na niya ang kanyang bag ng biglang tumunog ang cellphone niya. Kinuha niya iyon at nakitang si Manang Saleng ang tumatawag.
“Hello Manang napatawag kayo? Kumusta kayo jan sa bahay?”, tanong ni Trisha dahil alam niyang nasa bahay na ngayon si Brayll.
“May itatanong lang sana ako kung kilala mo si Leo. . .”, hindi naituloy ni Manang Saleng ang sinabi.
“Hoy hayop ka ibalik mo dito ang alaga ko!, Brayll! Brayll!”, ang tanging sigaw ni Manang Saleng. Hawak nito ang cellphone niya kaya narinig ni Trisha ang sigaw niya.
“Manang andiyan si Leo? Manang si Brayll? Manang Saleng ano nangyayari?”, ang sunod-sunod na tanong ni Trisha habang umiiyak na.
Hindi pwede ang nangyayari ngayon, kanina lang kausap niya si Leo pero ngayon ang anak niya ang idinamay nito. Para na siyang mauubusan ng hininga dahil sa nararamdaman niyang sakit. Mahal niya ang anak niya kaya hindi niya makakaya kung may mangyaring masama kay Bryan.
Agad namang tinawagan ng isang lalaki si Bryan. Sinabi ng binata na papunta na siya sa kinaroroonan nila. Nandidilim naman ang paningin ni Trisha dahil sa kakaiyak. Hanggang sa bumigay na siya at nawalan na ng malay.
Pilit naman siyang ginigising ng mga bodyguards niya pero hindi talaga siya magising kaya binuhat nila ito at inihiga sa sofa ng kanyang opisina.
Nakarating naman agad si Bryan at alalang alala siya sa kalagayan ni Trisha. Napasuntok siya sa pader dahil sa galit.
“Bakit niyo hinayaang makapasok dito si Leo?”, sigaw ni Bryan.
“Sorry sir hindi namin siya napansin kasi iba ang itsura niya sa picture na binigay niyo. Napansin nalang namin nung tinggal na niya ang sumbrero at shade niya”, sagot ng isa.
“Sige na alis na kayo, pumunta kayo sa bahay para bantayan si Manang Saleng”, utos ni Bryan.
Pagkaraan ng ilang sandali ay nagkamalay na si Trisha. Naki-usap ito kay Bryan na tulungan siyang mahanap ang anak niya. Ikwenento din niya ang tungkol sa sinabi ni Leo na siya daw ang ama ni Brayll. At baka ito ang dahilan kaya kinuha ng lalaki ang bata ng walang paalam.
“That was enough Trisha! Huwag mo ng banggitin yan dahil wala siyang proof na siya ang ama!”, sigaw ni...

Bryan.
-Bakit ganyan ka kaaffected sa sinabi ko may alam ka ba?- tanong ni Trisha sa isip. Nakatitig lang siya kay Bryan at napansin iyon ng binata. Inisip nito na baka nasaktan nito ang girlfriend dahil sa sigaw nito.
“Ohh im really sorry, hindi ko intensyon na sigawan ka”, pagsusumamo ni Bryan.
“Tulungan mo nalang akong mahanap ang anak ko at maibalik siya sakin”, matamlay na sabi ni Trisha.
Kinuha ni Bryan ang cellphone niya para tawagan si Jay pero lowbat iyon kaya kay Trisha ang ginamit. Mabuti nalang at alam niya ang number.
“Bro i need you to trace Leo, dala niya si Brayll ng hindi namin alam please pakitulungan mo kami”, wika ni Bryan ng sagutin siya ni Jay.
“Sige bro itatanong ko kay daddy baka alam niya”, ang sagot ni Jay.
Inaya na ni Bryan si Trisha para umuwi, siya nalang ang bahalang maghanap kay Brayll. Pero tumanggi si Trisha at sinabing sasama siyansa paghahanap gusto niyang makita agad at mayakap ang bata. Gusto niyang masigurado na hindi ito nasaktan.
“Paano kung umiiyak na si Brayll at hindi pa tumatahan, sigurado akong hinahanap na niya ako baka nagugutom na siya, sinong tutulong sa kanya?”, sambit ni Trisha habang pauwi na sila.
Pagkaraan ng ilang sandali ay tumawag ulit si Jay kay Trisha, sinabi nitong nasa bahay ni Don Enricho sila Leo at kasama si Brayll. Sinabi na nito ang address kaya agad na silang pumunta, pagkarating nila doon ay hindi sila pinapasok ng guard.
“Papasukin niyo sila, anak ni Don Enricho yung babae”, utos ni Attorney Federico.
Agad naman silang pinapasok ng guwardiya, agad namang bumaba si Trisha at pumasok sa loob ng mansyon. Nahuling bumaba si Bryan, nakita niyang lumabas si Leo at sinalubong niya ito.
“Anong ginawa mo sa anak ko?”, galit na tanong ni Bryan.
“Anak mo? Bakit sigurado ka bang anak mo?”, nakangising tanong din ni Leo.
“Alam nating dalawa na hindi totoo ang mga sinabi mo kay Trisha, alam nating dalawa kung sino ang nagsisinungaling! Im the real father of Brayll!”, galit parin na wika ni Bryan.
“So sinasabi mo na anak mo si Brayll? hahaha”, tawang tawa na sabi ni Leo.
“Dont you dare to hurt my son, kapag may sinaktan ka kahit sino sakanila ni Trisha ako ang makakalaban mo!”, sigaw ni Bryan.
“Well see, huwag kang magsalita ng patapos”, nang-aasar na sabi ni Leo at saka umalis.
Nanggagalaiti sa galit si Bryan, hindi na siya nakapagpigil ay sinuntok niya ang puno na nasa tabi niya. Alam niyang magagalit si Trisha kapag nalaman nito na siya ang tunay na ama ni Brayll.
Oo, si Bryan ang tunay na ama ni Brayll. Linihim niya kay Trisha dahil naduduwag siya, hindi niya alam kung saan magsisimulang sabihin ang totoo. Mahal niya si Trisha kaya niya iyon nagawa, pero hindi niya intensyon na iwanan niya ito.
Sana, sana lang ay matanggap ni Trisha ang lahat, sana lang ay hindi magbago ang pagmamahal nito sa kanya. Sana lang ay hindi ilayo ni Trisha ang bata. Kapag nangyari iyon ay hindi na niya kakayanin pa.
Abangan sa susunod na kabanata ang ginawa ni Bryan pagkatapos ng pagniniig nila ni Trisha.