– Sa panulat ni: Rocel P. Cheche
🌹KABANATA 8🌹
– (Ang pag-uusap nila Rolly at Edward).
” Ma, Bakit parang nagulat kayo ni Daddy Edward? Siya po si Sir. Rolly.” wika ni Rollyson na nakahalata sa reaksiyon nila Rea at Edward.
” Hindi naman anak, kilala na kasi namin ng Daddy mo si Sir. Rolly… nakasama na rin namin siya sa ibang mga event dati pa.” Pagkukunwari ni Rea.
” Oo nga anak.” Pagkampi at segundemanong reaksiyon naman ni Edward sa sinabi ni Rea.
” Kumusta Sir. Edward? masaya ko na nagkita rin tayo.” wika naman ng nakangiting si Rolly na nakipagkamay kay Edward.
” Kumusta ka rin Rolly? Nagagalak rin ako na nagkita muli tayo.”nakangiti rin na si Edward.
” Kumusta ka na Miss Rea?.” wika uli ni Rolly na may matamis na ngiti at nakikipagkamay kay Rea.
” Ah… eh… ok lang naman a…a…ako, i…i…ikaw, musta ka naaaaa…?.” wika ng nauutal na si Rea.
” Masaya ko Rea dahil nakita kita.” Bulong ni Rolly sa sarili niya habang nakahawak ang kamay kay Rea na parang ayaw niyang ibitaw ang kamay sa pagkakahawak sa mga kamay ni Rea.
Halatang halata ni Edward ang pananabik ni Rolly kay Rea.
Hanggang…
” Rea, Rollyson, maiwan muna namin kayo ni Rolly, mag- uusap lang kami saglit tungkol sa pagsisimula ng pag- iinvest natin sa Company nila.” wika ni Edward.
Sa umpisa ng pag- uusap nila Rolly at Edward ay may kinalaman talaga ito sa negosyo pero hanggang dumating sa puntong nagbukasan sila ng mga saloobin patungkol sa isang babaeng pareho nilang inibig… si Rea.
Isang pagkakataon para kay Edward ang hulihin ang kiliti at tunay na damdamin ni Rolly para kay Rea.
” Rolly, may asawa ka na ba? O may girlfriend ka ba ngayon?.” Tanong ni Edward na nakakaintriga para kay Rolly.
” Well, sa ngayon wala akong girlfriend, lalo na asawa.” wika ni Rolly na medyo pinagpawisan ng butil butil.
” Bakit naman wala kang girlfriend? sa guwapo mong yan, hindi ba dapat may asawa’t anak ka na dapat ngayon.” mga tanong ni Edward na bumabalot sa isipan ni Rolly.
” Nagka-girlfriend ako noon pero sinayang ko yun chance na magkatuluyan kami kasi naging marupok ako, masyado kong inenjoy ang buhay, pinaglaruan ko ang damdamin ng dalawang babae.” Paliwanag ni Rolly.
” Ang isa ba sa tinutukoy mo na nakarelasyon mo ay...

ang babaeng lumapit sa amin kanina.?.” Panghuhuli ni Edward.
Nagulat si Rolly sa mga tanong ni Edward, nahahalata na niya na mukhang may alam si Edward sa nakaraan niya, bagay na baka naikuwento na ni Rea ang relasyon nila rito… pero nagpatuloy parin siya sa pakikipag-usap rito.
” Oo, siya nga, si Rosana, nakarelasyon ko siya, sa totoo lang siya yun una kong girlfriend pero nagkahiwalay kami tapos nagkabalikan tapos nagkahiwalay uli…” paliwanag ni Rolly.
” Nasaan na kaya ang isa pang karelasyon mo dati? ang pangalawa mong naging girlfriend, nakikita mo pa ba siya ngayon?.” Urirat ni Edward.
“Hindi ko na siya nakikita, matagal na, simula ng magkahiwalay ang aming mga landas.” pagtanggi ni Rolly.
” Rolly, totoo ba ang sinasabi mo? huwag na tayong maglokohan, papunta ka palang pabalik na ko…” wika ng ngingisi-ngising si Edward.
” Anong ibig mong sabihin Sir.Edward?.” tanong ni Rolly.
” Kilala kita, ikinukuwento ka sa akin ng Misis ko pero pinag-aralan ko parin ang pagkatao mo,
pinaimbistigahan kita sa mga tauhan ko, Ikaw at si Rea ay nagkaroon ng relasyon… at ang isang babae sa buhay mo na hindi mo malimut limutan ay si Rea, siya ang dahilan diba kung bakit ayaw mong buksan ang puso mo para magmahal… Tama ba ko Rolly?.” Diretsahang wika at paliwanag ni Edward kay Rolly.
Natigilan si Rolly, naguguluhan siya sa mga narinig niya kay Edward, ano ba ang ibig sabihin ni Edward sa mga paliwanag nito?
” Mahal mo pa ba si Rea?.”Matigas na tanong ni Edward.
Hindi agad nakasagot si Rolly dahil hindi niya alam kung anong tamang isagot sa tanong na iyon ni Edward.
” Kung mahal mo siya, ipaglaban mo siya.” wika ng nakangiting si Edward.
” Oo mahal na mahal ko si Rea pero paano ka?.” Mabilis na wika ng nakangiting si Rolly.
” Huwag mo akong isipin, ibinabalik ko sayo si Rea kasi alam kong sa iyo lamang siya magiging masaya.” wika ni Edward na tinapik sa balikat si Rolly.
” Pero Sir. Edward, may anak kami ni Rea, paano kung malaman niya ang katotohanan?.” nag- aalinlangan na si Rolly.
” Simple lang yan bata ka, sabihin mo ang totoo.”wika uli ni Edward na tinapik uli sa balikat si Edward.
Walang kamalay malay ang dalawa na sa huling pag-uusap nila ay sabay dating ni Rollyson.
” Daddy, anong totoo?.”