Serenity
Nang araw na iyon ay mabilis ang aming mga galaw at saka isinakay lahat ni Ryker ang aming mga gamit sa aming mga sasakyan. Iyong sasakyan ko ay hinire niya si Kuya Robert na maging driver ng isang sasakyan kung saan naroon sina Linda at Maria. Sobrang bilis ng mga pangyayari at pati sila Linda ay hindi na alam kung ano ang mga nangyayari. Si Ryleigh na nagpapahinga ay binuhat ko na rin at saka isinakay sa aming sasakyan.
“Daddy, where are we going?” tanong ni Ryder at saka hinaplos ang kanyang pisngi.
“Daddy wants to have a vacation somewhere,” sagot ko kay Ryder at pumalakpak siya sa kanyang nalaman not knowing that our lives might be in danger.
Napatingin ako kay Ryker at makahulugan kaming nagtinginan sa isa’t isa. Mabilis kaming lumabas ng aming bahay at hindi na muna namin pinaalam sa aming mga magulang ang aming pag-alis. Ayaw kasi namin na mag-alala sila kaya wala na muna kaming pinagsabihan nito. Hindi ko alam kung kailan kami babalik dahil hindi pa namin nalulutas kung sino ang gustong maglagay sa amin sa panganib.
Nang makalayo na kami sa aming bahay ay pagtingin ko sa aking orasan ay malapit nang mag-alas dose. Napalingon ako sa aking likuran at tinignan kung nakasunod ba sa amin sila Linda na gamit ang aking sasakyan. Hindi ko alam kung saan kami papunta dahil pagkatapos na makausap ni Ryker ang kung sino sa telepono ay agad na lang siyang magtawag na aalis kami.
Paglipas ng ilang oras ay nakita kong nakatulog na sila Ryder sa aking likuran at medyo pagabi na rin. Puro puno rin ang nakikita ko na nakapalibot sa amin at wala akong makita ni isang bahay. Paakyat ang daan at sa harapan namin ay may isang lumang bahay na may gate at agad na may nagbukas dito na isang lalaki saka kami pinapasok. Bumusina si Ryker sa kanya na aking ipinagtaka at naisip ko na maaaring ito iyong lalaking kausap niya kanina.
Pagdating namin sa nasabing lumang bahay ay agad akong pinababa ni Ryker kaya ginising ko ang mga bata. Paglabas namin ng kotse ay buhat ko si Ryleigh at napalibot ang aking tingin sa kabuuan ng bahay. Mukha siyang bahay noong unang panahon pa at medyo may kalakihan din ito at siguro ay mga dalawang palapag ito. Napatingin ako kay Ryker nang siya ang naunang pumasok kasama ang lalaking nagbukas sa amin ng gate.
“Pasok kayo. Ryker kumusta na? Ang tagal na nating hindi nagkita ah? Sino ba ang mga ito?” tanong ng lalaki kay Ryker.
“Mark, I want you to meet my family. This is my wife and my twins.” Pakilala sa amin ni Ryker sabay napangiti naman ako. “He’s name is Mark, and he’s my childhood friend.”
“Pasok kayo. Pasensya na kung mukhang luma itong bahay dahil hindi na rin kasi nagbabakasyon si Ryker dito. Ginawa niya akong caretaker nitong bahay simula nang maaksidente ako at para may pagkakitaan ako ay binabayaran niya ako buwan-buwan para panatilihing malinis ang bahay niya,” paliwanag ni Mark.
“This house is yours?” tanong ko kay Ryker at tumango naman siya.
Pumasok na kami sa bahay at namangha sa linis at ganda ng bahay. Sa labas ay mukha siyang haunted house at sigurado akong ayaw ng mga taong pumasok pero sa loob pala ay modernize ang mga gamit dito. Natuwa ako at gano’n din sina Ryder kaya naman parang nawala ang kaba...