Serenity
Kinabukasan ay nagising ako dahil nakaramdam ako ng pangangasim ng aking sikmura kaya mabilis akong tumakbo sa may banyo at saka nagsusu-suka roon sa may lababo. Hindi ko na alam kung ano’ng oras na pero alam ko na maaga pa lang. Pagkatapos kong magsuka ay lumabas ako ng banyo at napansin ko na bukas ang bintana namin dahil humahangin ang kurtina namin kaya naman mabilis ko itong isinara. Napatingin ako kay Ryker na mahimbing na natutulog kaya naman umupo ako sa kanyang tabi at saka binigyan siya ng halik sa kanyang mga labi.
Nakaramdam ako ng uhaw kaya naman pumanhik na muna ako sa baba para kumuha ng tubig. Abala akong kumukuha ng tubig nang mapatalon ako sa gulat dahil nakarinig ako ng tunog ng telepono. Hinanap ko ito dahil hindi ko alam kung saan nanggagaling iyong nagr-ring na telepono. Patuloy itong tumutunog hanggang sa bigla na lang itong tumigil at iyon naman iyong nahanap ko ito sa isang kwarto sa may library room.
Nang paalis na ako sa kwartong iyon ay bigla ulit itong tumunog at hindi ko alam kung bakit hindi muna ako nagsalita at pinakinggan kung sino ang magsasalita sa kabilang linya. Napalunok ako nang hininga lamang ng isang tao ang narinig ko at bigla na lang niya binaba ang telepono. Napatingin ako sa hawak kong telepono at nagtatakang ibinalik ito. Hindi ko na lang ito binigyan ng pansin nang pagharap ko ay halos mapatalon ako nang makita ko si Maria na nakatayo sa bukana ng pinto at kinukusot ang kanyang mga mata.
“Maria ginulat mo naman ako,” turan ko at humingin siya ng paumanhin.
“Ma’am pasensya ka na po. Hinahanap ko rin ho kasi kung nasaan iyong tumutunog na telepono dahil hindi na rin ho naman ako makatulog.” Tumango naman ako at sabay na kaming lumabas ng silid na iyon.
Sabay na kaming pumanhik sa aming mga kwarto at saka tumabi kay Ryker. Paghiga ko ay agad na pumulupot ang kanyang braso sa akin na nagpangiti sa aking mga labi. Muli kong ipinikit ang aking mga mata hanggang sa hilain akong muli ng antok.
Pag-angat ni haring araw ay nagising ako ng mga alas-otso na ng umaga. Hindi ko alam pero gusto ko pang matulog at tinatamad akong bumangon. Ang kaso nga lang ay kumakalam na ang aking sikmura kaya naman napilitan akong bumangon. Pagtingin ko sa aking tabi ay wala na si Ryker at mukhang mas nauna pa siyang nagising sa akin.
Pumanhik ako sa baba at nakita ko na naroon na silang lahat at masayang nag-aalmusal. Nang makita ako ni Ryker ay agad siyang tumayo at saka inalalayan akong bumaba ng hagdan papunta sa hapag kainan. Pinagsilbihan niya ako at nakita kong kinikilig na nagtinginan sila Linda sa aming dalawa ni Ryker.
“Thank you,” sabi ko kay Ryker at nagsimula nang kumain.
Habang kumakain ay napansin ko na hindi namin kasama si Mark sa hapag kainan kaya naman hinanap ko siya kay Ryker.
“I don’t know. Hindi ko nga siya nakita kaninang umaga paggising ko rito e. Maybe he’s outside watering the plants or he went to the market,” paliwanag ni Ryker sa akin. “Malayo rin kasi ang town dito dahil nga nasa tuktok tayo ng bundok.”
Napatango naman ako nang makita ko na kabababa lamang ng kambal at parang handa na silang mag-swimming dahil nakasuot na sila ng swimsuit na dalawa. Agad namang lumapit sa akin si Ryder at saka hinalikan ako sa aking pisngi.
“Mommy, I want to go swimming.” Turo niya sa swimming pool na nasa likuran ng aming bahay. “Please?”
“Kaso baby malalim iyong tubig e at saka wala ka namang kasamang magswi-swimming sa pool.” Napalabi siya at naiiyak na napatingin kay Ryker.
Natawa naman ako nang kunyaring hindi siya pinansin ni Ryker nang bigla na lang itong pumalahaw ng iyak at agad naman siyang dinaluhan ng kanyang kambal na si Ryleigh. Imbes na patahanin ko siya ay natawa kaming lahat sa inasta ng aking anak. Paano ba naman kasi nang sinabi ni Maria na siya ang sasama sa kanila ay bigla ba namang tumigil siya sa pag-iyak. Napailing na lang ako at kita ko naman kay Ryker na proud siya sa kanyang anak. Nauna na sila Maria sa may...
baka so Aaron yon ?
di kaya ang ex ni serenity?
nakakaiyak