Halos mag-aalas tres na ng madaling araw pero naririto kami sa labas ng operating room at naghihintay sa maayos na paglabas ni Marie. Kanina pa ko nakayuko sa inuupuan ko at kinakabahan. Si Marg naman ay palakad-lakad din at halatang kinakabahan din. Si Caspian ay nagpaalam na may bibilhin daw muna sa labas. Isang oras na mahigit si Marie na nasa loob. Halos takbuhin ko ang pinto ng bumukas ito at lumabas ang dalawang nurse na agad ko namang hinarang.
“A-Ano pong nangyari? Ligtas na po ba siya?” Kabado kong tanong.
“Ma’am kailangan ko pong umalis huminahon na po muna kayo.” Nagmamadaling ani ng nurse at tumakbo na. Kinakabahang nagkatinginan kami ni Maharot at parehas na lumuluhang nagyakapan.
Diyos ko po. Napakabata pa po ni Marie huwag niyo po muna siyang kunin. Kailangan pa pong magbayad sa batas ng gumawa nito sa kaniya at kung walang batas ako na pong bahalang maningil sa mga animal na iyon. Mayamaya ay dumating si Caspian na may dalang kape na halatang mahal at isang box na doughnut. Inabutan niya ako ng isang cup ng kape pati si Marg na umiiyak at yumakap pa kay Caspian. Para-paraan ka beshie.
“May lumabas na ba kanina galing sa loob?” Banayad na tanong ni Caspian na nagpaluha sa akin. Tumango ako.
“May lumabas kaninang dalawang nurse na nagmamadali. Pero hindi ko alam kung bakit.”
“It’s fine. Everything’s going to be fine.” Sabi pa ni Caspian habang hinahaplos ang likuran ko. Nakalimutan ko na nga ang bangayan namin kanina sa barangay at maging ang binata ay ganoon din yata.
Ilang minuto lang ay bumalik sa amin ang dalawang nurse na hinihingal pa.
“Sino pong relative ng pasenyente sa inyo?” Tanong ng nurse.
“Wala po. Nasa probinsya ang relatives niya. Guardian niya lang po kami. Bakit po?” Kinakabahang tanong ko.
“Naubusan po kami ng stock ng dugo at nangangailangan po ang pasyente na masalinan agad—”
“What’s her blood type?” Putol ni Caspian sa nurse. Bahagya pang natulala ang nurse ng masilayan si Caspian.
“Miss ano daw type ng blood kailangan?” Tanong ni Maharot na namumugto ang mata at inirapan pa ang nurse na natameme. Nahihiya naman sumagot ito.
“B Negative po.”
“Shocks hindi ko alam ang type ng dugo ko. Basta may positive iyon eh.” Aning muli ni Maharot na muntik ko ng masabunutan. Natawa naman si Caspian.
“Type O Negative ako.” Mabilis na sabi ko sa nurse. At agad naman akong binatukan ni Marg.
“Gaga ka beshie. B Negative nga si baby Marie kailangan niya ay Positive para balance. Tsaka weh alam mo blood type mo? Wala kang maloloko dito beshie alam nating maganda ka lang.” Maingay na sabi ni Margarita na nagpapikit sa akin ng mariin.
“Alam mo besh mamaya makakalbo na kita.” Gigil na sabi ko kay Marg sabay tingin ng masama at agad namang tumiklop ang kaibigan. Takot niya lang makalbo siya. Si Caspian naman ay tawang tawa sa amin maging ang nurse ay napapangiti din. Nakakahiya talaga si Maharot.
“This way Ma’am.” Ani sa akin ng nurse.
“Caspian saan ka pupunta? Dito ka lang! Hindi pa tayo pero iniiwanan mo na ko!” Sigaw ni Maharot kay Caspian na nakasunod pala sa akin. Sinaway naman si Maharot ng nurse na isa pa bago kami pumasok sa loob. Buti nga napakaingay ng kaibigan napailing na lang ako. Dinala ako ng nurse sa isang kwarto at pinahiga.
“How did you know that B- and O- is compatible?” Tanong ni Caspian sa akin habang nakahiga na ko at kinukunan ng dugo habang abala ako sa pagpisil ng sponge ball.
“Noong naaksidente ang magulang ko. Nangailangan ng dugo si Nanay at B- din siya kaya naman noong tinanong ako ng nurse kung anong blood type ko doon ko nalaman na pwede pala ang dugo ko.” Nanghihinang sagot ko.
“Naaksidente ang magulang mo? How are they? Okay na ba sila? Tanong muli ni Caspian.
“Nabangga sila sa sinasakyan nilang trycicle ng isang malaking trak ng basura. Hindi sila nakaligtas.” Sagot ko habang malungkot na ngumiti. Umawang naman ang bibig ng binata.
“I’m sorry.”
“Wala na iyon. Tanggap ko na pero syempre masakit pa din lalo na kapag namimiss ko sila. Pero alam ko namang nasa mabuti na silang kalagayan.”
“Nahuli ba ang driver na nakabangga?”
“Patay din ang driver na nakabangga.” Nanghihinang sagot ko. Oo dead on...

arrival ang driver pati si Tatay pero si Nanay ay kritikal pero binawian din ng buhay makailang araw.
“What’s you favorite food?” Biglang tanong ni Caspian. Nangunot naman ang noo ko sa biglaang tanong ni Caspian. Sa totoo lang ngayon lang kami nakapagusap ng matino at walang sigawan kaya naman nakakapanibago.
“Bakit?”
“You deserve to eat your favorite food after that. C’mon. What food?” Pangungulit ni Caspian na nagpatawa sa akin. Para kasing batang umuungot si Caspian na nakanguso pa.
“Sige na nga kahit hindi naman na kailangan. Hmmm…Kikiam at kwekkwek.” Sagot kong nakangiti at natatakam na. Comfort food ko kasi iyon.
“What? Ano iyon? What cuisine is that?” Tanong ni Caspian na nagpatawa sa akin.
“Streetfoods iyon Attorney. Hahaha. Hindi ka naman halatang richkid Attorney ano?” Natatawang ani ko. Kumamot naman sa ulo ang binata.
“Sorry. Never heard that. But no streetfoods. Aside that it’s too early, streetsfood is not healthy. Think another food again.” Reklamo ni Caspian na nagpasimangot sa akin. Natawa ang binata bago pinitik ng mahina ang nguso ko. Agad namang nagreak ang puso kong taksil. Ngayon ko lang mas naappreciate ang itsura ng binata habang tumatawa. May mas igagawapo pa pala siya. Mabilis kong pinigilan ang sarili at baka kung saan pa mapunta ang panonood ko sa binata.
“Pansit at pandesal na lang Caspian.” Sabi ko sa binata na umalis agad para mabili ang gusto ko. Natapos na ang pagkuha sa akin ng dugo kaya naman nanghihina ako at inaantok. Mabuti na lang dumating na si Maharot na ngiting-ngiti at nagmamadali.
“Maayos na si baby girl. Nailipat na din siya ng kwarto. Ikaw ayos lang ba pakiramdam mo? Naku baka ikaw naman ang magkasakit niyan. Baka maging low blood ka kasi kinuhanan ka ng maraming dugo. Ipapasunog ko talaga ang ospital na ito kapag namatay ka.” Maingay na bungad ni Maharot. Ako naman ay tuwang-tuwa sa balita ng kaibigan. Naku thank you Lord sa pagdinig sa dasal ko. Hinila ko naman ang buhok ng kaibigan habang tumatawa.
“Seryoso ka ba sa pinagsasabi mo? Para kang may sayad beshie. Akala ko tumalino ka na ng nakapagjowa ka ng foreigner.” Pang-aalaska ko sa kaibigan.
“Excuse me. Tumalino na ko hindi lang halata. Kaya ko na ngang makipagusap ng konti kay Daddy Edward na hindi na nangangailangan ng google translator.” Mayabang na sabi ng kaibigan na nagpatawang muli sa akin.
“Knock knock.” Dumating na pala si Caspian na umaalingasaw pa ang sabon at basa pa ang buhok halatang naligo muna bago pumunta dito. May dala itong maliit na bilao at may kalakihang paperbag.
“Tuloy ka Fafa Caspian. Ang bango mo naman nakakahiya sa aming mga malalansa na.”
“Ikaw lang iyon beshie.” Sabi ko sa kaibigan.
Inilatag na ni Caspian ang maliit na lamesa sa higaan ko at umupo naman ako.
“Fafa Caspian magkaliwanagan lang tayo ha. Si Marie ang naospital hindi si Kendra. Napakarami mo namang biniling prutas kay beshie.” Sabi ni Maharot na nagpapula ng pisngi ko. Tumingin naman sa akin si Caspian at ngumiti. Susmaryosep muntik na kong matunaw sa mga ngiting iyon.
“She needs it to recover quickly. Mamaya maging dalawa ang pasyente mo.” Sagot ni Caspian.
Nag-umpisa na kaming kumain ni Maharot ng pansit na napakasarap at mayaman sa sahog. Habang si Caspian naman ay seryoso sa pagpapalaman sa pandesal ng pansit at dairy cream.
“Bago ko makalimutan. You know that we have to talk to the bar owner right? Kailangan nating makilala ang gumawa noon sa pasyente. It’s a case. A criminal case and I hope you are all aware.” Wika ni Caspian at isinubo sa akin ang pandesal na pinapalamanan niya kanina. Para sa akin pala iyon? Kumabog na namang muli ang talinpadas kong puso.
“Eat.” Wikang muli ng binata sa akin dahil tulala akong nakatingin sa kaniya at nakasubo lang ang pandesal.
“Fafa Caspian ako din!” Paepal na ani ni Maharot na nagpairap sa akin sa kaibigan.
“Make it yourself. This is for Kendra. Subuan mo na ko ng pansit Kendra huwag ka ng magselos diyan. Nguyain mo na pati iyang pandesal o gusto mong ipag-nguya pa kita?”
To be continued…
Hi I’m really sorry for super late updates been really busy sa work…Thank you for patiently waiting and in case you already forgot Caspian, Masarap, Adam, Greg and Miyaka Solenn lemme maki bawi to you guys nyahahahahah